Májilis depýtaty Irina Smirnova qazaqstandyq mektepterde qoldanylyp kelgen BJB men TJB baǵalaý júiesinen bas tartý máselesine qatysty pikir bildirip, ony engizýge jaýapty bolǵan sheneýnikterdiń jaýapkershiligin kóterdi, dep habarlaidy ult.kz centralmedia24.kz portalyna silteme jasap.
Depýtattyń aitýynsha, bul júieni engizýge qomaqty biýdjet qarajaty jumsalǵandyqtan, onyń ne sebepti tiimsiz dep tanylǵanyna jan-jaqty taldaý jasalýy qajet.
«BJB men TJB uzaq ýaqyt boiy engizildi, oǵan úlken qarjy bólindi. Eger bul qate sheshim bolsa, onda ony engizgen sheneýnikter jaýap berýi kerek. Búgin engizip, erteń alyp tastai salýǵa bolmaidy. Mundai sheshimder taldaý men sarapshylar qorytyndysyna negizdelýi tiis», – dedi Irina Smirnova Májilis kýlýarynda.
Eske salaiyq, buǵan deiin Qazaqstannyń Oqý-aǵartý ministri Juldyz Súleimenova mektepterde BJB (bólim boiynsha jiyntyq baǵalaý) men TJB-dan (toqsandyq jiyntyq baǵalaý) birtindep bas tartý josparlanyp otyrǵanyn málimdegen bolatyn.
Ministrliktiń josparyna sáikes, olardyń ornyna dástúrli baqylaý jumystary – diktanttar, shyǵarmalar men mazmundamalar qaita engizilýi múmkin.
Depýtattyń pikirinshe, bilim berý júiesindegi mundai aýqymdy ózgerister naqty saraptamalyq baǵalaýdan ótip, qoǵammen keńinen talqylanýy qajet.
