مەجٸلٸس دەپۋتاتى يرينا سميرنوۆا قازاقستاندىق مەكتەپتەردە قولدانىلىپ كەلگەن بجب مەن تجب باعالاۋ جٷيەسٸنەن باس تارتۋ مەسەلەسٸنە قاتىستى پٸكٸر بٸلدٸرٸپ, ونى ەنگٸزۋگە جاۋاپتى بولعان شەنەۋنٸكتەردٸڭ جاۋاپكەرشٸلٸگٸن كٶتەردٸ, دەپ حابارلايدى ult.kz centralmedia24.kz پورتالىنا سٸلتەمە جاساپ.
دەپۋتاتتىڭ ايتۋىنشا, بۇل جٷيەنٸ ەنگٸزۋگە قوماقتى بيۋدجەت قاراجاتى جۇمسالعاندىقتان, ونىڭ نە سەبەپتٸ تيٸمسٸز دەپ تانىلعانىنا جان-جاقتى تالداۋ جاسالۋى قاجەت.
«بجب مەن تجب ۇزاق ۋاقىت بويى ەنگٸزٸلدٸ, وعان ٷلكەن قارجى بٶلٸندٸ. ەگەر بۇل قاتە شەشٸم بولسا, وندا ونى ەنگٸزگەن شەنەۋنٸكتەر جاۋاپ بەرۋٸ كەرەك. بٷگٸن ەنگٸزٸپ, ەرتەڭ الىپ تاستاي سالۋعا بولمايدى. مۇنداي شەشٸمدەر تالداۋ مەن ساراپشىلار قورىتىندىسىنا نەگٸزدەلۋٸ تيٸس», – دەدٸ يرينا سميرنوۆا مەجٸلٸس كۋلۋارىندا.
ەسكە سالايىق, بۇعان دەيٸن قازاقستاننىڭ وقۋ-اعارتۋ مينيسترٸ جۇلدىز سٷلەيمەنوۆا مەكتەپتەردە بجب (بٶلٸم بويىنشا جيىنتىق باعالاۋ) مەن تجب-دان (توقساندىق جيىنتىق باعالاۋ) بٸرتٸندەپ باس تارتۋ جوسپارلانىپ وتىرعانىن مەلٸمدەگەن بولاتىن.
مينيسترلٸكتٸڭ جوسپارىنا سەيكەس, ولاردىڭ ورنىنا دەستٷرلٸ باقىلاۋ جۇمىستارى – ديكتانتتار, شىعارمالار مەن مازمۇندامالار قايتا ەنگٸزٸلۋٸ مٷمكٸن.
دەپۋتاتتىڭ پٸكٸرٸنشە, بٸلٸم بەرۋ جٷيەسٸندەگٸ مۇنداي اۋقىمدى ٶزگەرٸستەر ناقتى ساراپتامالىق باعالاۋدان ٶتٸپ, قوعاممەن كەڭٸنەن تالقىلانۋى قاجەت.
