QR Qarjy ministriniń orynbasary Tatiana Saveleva biýdjettiń kiris bóligi qalai ulǵaiatynyn túsindirdi, dep habarlaidy QazAqparat.
«Áleýmettik-ekonomikalyq damý boljamyn qaita qaraý aiasynda kedendik, salyqtyq ákimshilendirýdi jaqsartý boiynsha qabyldanyp jatqan sharalardy eskersek, biyl kirister 9,2 trln teńgeden 10,2 trln teńgege deiin ósedi», - dedi Tatiana Saveleva Parlamentte jańa zań jobasyn tanystyrý barysynda.
Onyń málimeti boiynsha, biyl benzin men dizeldiń aktsizin kóterýdi kózdeitin túzetýler engizilgen.
«Bul shara aiasynda Pavlodar, Atyraý oblystary men Shymkent qalasynan 161,8 mlrd teńge túsedi. Osylaisha biýdjettiń túsimderi 1,1 trln teńgege artady. Al shyǵys bóligin oryndaý úshin qosymsha 2,7 trln teńge qajet bolady. Osyǵan bailanysty Prezidenttiń maquldaýy boiynsha Ulttyq qordan 1,6 trln teńge kepildendirilgen transfert tartý usynylyp otyr. Jalpy biyl Ulttyq qordan biýdjetke alynatyn kepildendirilgen transfert kólemi 4 trln teńge dep belgilengen. Jyl aiaǵyna qarai Ulttyq qordyń túsimderi men shyǵystary jaǵymdy teńgerimge keledi», - deidi ministr.
