قر قارجى مينيسترٸنٸڭ ورىنباسارى تاتيانا ساۆەلەۆا بيۋدجەتتٸڭ كٸرٸس بٶلٸگٸ قالاي ۇلعاياتىنىن تٷسٸندٸردٸ, دەپ حابارلايدى قازاقپارات.
«ەلەۋمەتتٸك-ەكونوميكالىق دامۋ بولجامىن قايتا قاراۋ اياسىندا كەدەندٸك, سالىقتىق ەكٸمشٸلەندٸرۋدٸ جاقسارتۋ بويىنشا قابىلدانىپ جاتقان شارالاردى ەسكەرسەك, بيىل كٸرٸستەر 9,2 ترلن تەڭگەدەن 10,2 ترلن تەڭگەگە دەيٸن ٶسەدٸ», - دەدٸ تاتيانا ساۆەلەۆا پارلامەنتتە جاڭا زاڭ جوباسىن تانىستىرۋ بارىسىندا.
ونىڭ مەلٸمەتٸ بويىنشا, بيىل بەنزين مەن ديزەلدٸڭ اكتسيزٸن كٶتەرۋدٸ كٶزدەيتٸن تٷزەتۋلەر ەنگٸزٸلگەن.
«بۇل شارا اياسىندا پاۆلودار, اتىراۋ وبلىستارى مەن شىمكەنت قالاسىنان 161,8 ملرد تەڭگە تٷسەدٸ. وسىلايشا بيۋدجەتتٸڭ تٷسٸمدەرٸ 1,1 ترلن تەڭگەگە ارتادى. ال شىعىس بٶلٸگٸن ورىنداۋ ٷشٸن قوسىمشا 2,7 ترلن تەڭگە قاجەت بولادى. وسىعان بايلانىستى پرەزيدەنتتٸڭ ماقۇلداۋى بويىنشا ۇلتتىق قوردان 1,6 ترلن تەڭگە كەپٸلدەندٸرٸلگەن ترانسفەرت تارتۋ ۇسىنىلىپ وتىر. جالپى بيىل ۇلتتىق قوردان بيۋدجەتكە الىناتىن كەپٸلدەندٸرٸلگەن ترانسفەرت كٶلەمٸ 4 ترلن تەڭگە دەپ بەلگٸلەنگەن. جىل اياعىنا قاراي ۇلتتىق قوردىڭ تٷسٸمدەرٸ مەن شىعىستارى جاعىمدى تەڭگەرٸمگە كەلەدٸ», - دەيدٸ مينيستر.
