Foto: ru.freepik.com
Premer-ministrdiń orynbasary – qarjy ministri Erulan Jamaýbaev veipke tyiym salý bastamasyn tolyǵymen qoldaitynyn málimdedi, dep habarlaidy Sputnik Qazaqstan.
Qazirgi kezde arnaiy zań jobasy ázirlenip jatyr. Sonyń negizinde veipke tolyǵymen tyiym salynady.
"Veipten biýdjetke eshqandai paida túsip turǵan joq. Densaýlyqqa da múldem paidasy joq. Al saldary aýyr, balalar shekse, ulttyq qaýipsizdik máselesi týyndap otyr. Sol sebepti veiptiń ainalymyn arttyrmaý úshin tiisti shara qoldanyp, tolyǵymen tyiym salamyz", - dedi Jamaýbaev Úkimette ótken brifingte.
Onyń aitýynsha, depýtattar kanikýldan jumysqa shyqqan soń zań qabyldanady. Odan keiin Úkimet veippen kúres sharalaryn bastaidy.
"Dál qazir shekteý joq. Al tiisti zań kúshine engennen keiin biz barlyq kúshimizdi salamyz, kontrabandaǵa jol bermeý kerek", - dep túiindedi ministr.
