فوتو: ru.freepik.com
پرەمەر-مينيستردٸڭ ورىنباسارى – قارجى مينيسترٸ ەرۇلان جاماۋباەۆ ۆەيپكە تىيىم سالۋ باستاماسىن تولىعىمەن قولدايتىنىن مەلٸمدەدٸ, دەپ حابارلايدى Sputnik قازاقستان.
قازٸرگٸ كەزدە ارنايى زاڭ جوباسى ەزٸرلەنٸپ جاتىر. سونىڭ نەگٸزٸندە ۆەيپكە تولىعىمەن تىيىم سالىنادى.
"ۆەيپتەن بيۋدجەتكە ەشقانداي پايدا تٷسٸپ تۇرعان جوق. دەنساۋلىققا دا مٷلدەم پايداسى جوق. ال سالدارى اۋىر, بالالار شەكسە, ۇلتتىق قاۋٸپسٸزدٸك مەسەلەسٸ تۋىنداپ وتىر. سول سەبەپتٸ ۆەيپتٸڭ اينالىمىن ارتتىرماۋ ٷشٸن تيٸستٸ شارا قولدانىپ, تولىعىمەن تىيىم سالامىز", - دەدٸ جاماۋباەۆ ٷكٸمەتتە ٶتكەن بريفينگتە.
ونىڭ ايتۋىنشا, دەپۋتاتتار كانيكۋلدان جۇمىسقا شىققان سوڭ زاڭ قابىلدانادى. ودان كەيٸن ٷكٸمەت ۆەيپپەن كٷرەس شارالارىن باستايدى.
"دەل قازٸر شەكتەۋ جوق. ال تيٸستٸ زاڭ كٷشٸنە ەنگەننەن كەيٸن بٸز بارلىق كٷشٸمٸزدٸ سالامىز, كونترابانداعا جول بەرمەۋ كەرەك", - دەپ تٷيٸندەدٸ مينيستر.
