Premer-ministrdiń orynbasary – Qarjy ministri Erulan Jamaýbaev syrtqy qaryzdarǵa qatysty pikir bildirdi, - dep habarlaidy Tengrinews.kz agenttigi.
Premer-ministrdiń orynbasary Májilis otyrysynda Qazaqstan dollar, eýro jáne rýblde 23 trillion qaryz alǵanyn aitty. Bul somanyń 30 paiyzy - syrtqy qaryz.
"Bizde 23 trillion qaryz bar, onyń 30 paiyzy - syrtqy qaryz. Qaryz dollar, eýro, rýblmen alynǵan. Biz qazir 35-37 paiyzdan aspaý mindetin qoiyp otyrmyz", - dedi qarjy ministri.
Erulan Jamaýbaev bul mindetti oryndaý úshin qandai sharalar qolǵa alynyp jatqanyn da aitty.
"Birinshiden, biýdjet tapshylyǵyn azaitý qajet. Bizde memlekettik qarjyny basqarý tujyrymdamasy bar, qazir bul tapshylyqty 3,3-ten 2,5 paiyzǵa deiin birtindep azaitamyz. Tapshylyq azaiǵan kezde ol ishki kirister esebinen toltyrylady", - dedi Qarjy ministri.
Onyń aitýynsha, kóleńkeli ekonomikany qysqartyp, salyq jáne kedendik ákimshilendirýdi tolyq tsifrlandyrý qajet.
"Avtomattandyrý jáne modernizatsiia protsedýrasyn júrgizý qajet. Bul jumys taiaý 1-2 jylda tolyǵymen aiaqtalady. Eń úlken másele - júrgizilip jatqan kelissózder, eger qazir bári oidaǵydai bolsa, sheteldik investorlar naryqqa teńgemen kire alady jáne valiýtalyq táýekelder áldeqaida tómen bolady. Bul bizge taǵy bir múmkindik bolmaq", - dep túiindedi sózin Jamaýbaev.
