Biylǵy bes aida memlekettik biýdjetke 6 trln 554 mlrd teńge kiris tústi. Bul týraly QR Premer-Ministriniń orynbasary – Qarjy ministri Erulan Jamaýbaev aitty, dep habarlaidy QazAqparat.
«Biylǵy bes aida memlekettik biýdjetke 6 trln 554 mlrd teńge somasynda kiris tústi nemese jospar 107% oryndaldy. Respýblikalyq biýdjetke 4,4 trln teńgege jýyq kiris tústi, jospardyń oryndalýy - 100,9%», - dedi Qarjy ministri Úkimettiń búgingi otyrysynda.
Onyń aitýynsha, kirister boiynsha jospar 41 mlrd teńgege, onyń ishinde salyq - 11 mlrd teńgege, salyqqa jatpaityn kiris – 29 mlrd teńgege asyra oryndalǵan.
«Salyq boiynsha asyra oryndaýdyń negizgi somalary ishki óndiris taýarlaryna salynatyn qosylǵan qun salyǵyna tiesili boldy. Jospardyń asyra oryndalýy biylǵy 4 aidaǵy jumystardy, qyzmetterdi jáne taýarlardy ótkizý boiynsha ainalym somalarynyń ótken jyldyń uqsas kezeńimen salystyrǵanda 24,4% ulǵaiýyna bailanysty. Korporativtik tabys salyǵy, importqa qosylǵan qun salyǵy jáne shiki munaiǵa eksporttyq keden bajy boiynsha jospar oryndalǵan joq», - dedi Jamaýbaev.
