بيىلعى بەس ايدا مەملەكەتتٸك بيۋدجەتكە 6 ترلن 554 ملرد تەڭگە كٸرٸس تٷستٸ. بۇل تۋرالى قر پرەمەر-مينيسترٸنٸڭ ورىنباسارى – قارجى مينيسترٸ ەرۇلان جاماۋباەۆ ايتتى, دەپ حابارلايدى قازاقپارات.
«بيىلعى بەس ايدا مەملەكەتتٸك بيۋدجەتكە 6 ترلن 554 ملرد تەڭگە سوماسىندا كٸرٸس تٷستٸ نەمەسە جوسپار 107% ورىندالدى. رەسپۋبليكالىق بيۋدجەتكە 4,4 ترلن تەڭگەگە جۋىق كٸرٸس تٷستٸ, جوسپاردىڭ ورىندالۋى - 100,9%», - دەدٸ قارجى مينيسترٸ ٷكٸمەتتٸڭ بٷگٸنگٸ وتىرىسىندا.
ونىڭ ايتۋىنشا, كٸرٸستەر بويىنشا جوسپار 41 ملرد تەڭگەگە, ونىڭ ٸشٸندە سالىق - 11 ملرد تەڭگەگە, سالىققا جاتپايتىن كٸرٸس – 29 ملرد تەڭگەگە اسىرا ورىندالعان.
«سالىق بويىنشا اسىرا ورىنداۋدىڭ نەگٸزگٸ سومالارى ٸشكٸ ٶندٸرٸس تاۋارلارىنا سالىناتىن قوسىلعان قۇن سالىعىنا تيەسٸلٸ بولدى. جوسپاردىڭ اسىرا ورىندالۋى بيىلعى 4 ايداعى جۇمىستاردى, قىزمەتتەردٸ جەنە تاۋارلاردى ٶتكٸزۋ بويىنشا اينالىم سومالارىنىڭ ٶتكەن جىلدىڭ ۇقساس كەزەڭٸمەن سالىستىرعاندا 24,4% ۇلعايۋىنا بايلانىستى. كورپوراتيۆتٸك تابىس سالىعى, يمپورتقا قوسىلعان قۇن سالىعى جەنە شيكٸ مۇنايعا ەكسپورتتىق كەدەن باجى بويىنشا جوسپار ورىندالعان جوق», - دەدٸ جاماۋباەۆ.
