2020 jyly Mindetti áleýmettik meditsinalyq saqtandyrý esebinen 10 myńǵa jýyq qymbat joǵary tehnologiialyq ota jasaldy. Bul týraly Ortalyq kommýnikatsiialar qyzmetinde ótken brifingide Áleýmettik meditsinalyq saqtandyrý qorynyń Basqarma tóraǵasy Bolat Tókejanov aitty, dep habarlaidy "Ult aqparat".
«2020 jyldyń qorytyndysy boiynsha meditsinalyq saqtandyrý paketi esebinen 10 myńǵa jýyq joǵary tehnologiialyq meditsinalyq qyzmet (JMQ) ótkizildi. Emniń ortasha quny – 3,2 mln teńge. Hirýrgiialyq aralasýdyń kóp bóligi angiohirýrgiialyq, oftalmologiialyq, kardiohirýrgiialyq, neirohirýrgiialyq, travmatologiialyq jáne ortopediialyq beiinderge jatady», - deidi Áleýmettik meditsinalyq saqtandyrý qorynyń Basqarma tóraǵasy Bolat Tókejanov.
Onyń aitýynsha, júrek qaǵysynyń buzylýyna qatysty endovaskýliarlyq qymbat otalar kóbeigen.
«Mysaly, avtomatty kardioverter/defibrilliatordy implantatsiialaý sany 1,5 ese ósti. Mundai otanyń ortasha quny 6 mln teńgeden asady, ótken jyly osyndai 1213 ota júrgizildi. Meditsinalyq saqtandyrý qarajaty esebinen múmkindigi shekteýli balalarǵa kóbirek operatsiia jasaldy. Sonymen, shala týǵan nárestelerdiń retinopatiiasyn emdeý operatsiialary bir jarym ese ósti. Elektrmagnitti estý apparatyn implantatsiialaý sany 1,5 ese ósti. Osyndai bir qyzmettiń ortasha quny orta eseppen 5,5 mln teńge. Kez kelgen ýaqytta ózimizge nemese jaqynymyzǵa birdei kómek qajet bolmaitynyna eshkim kepildik bere almaidy. Osyndai sátterde meditsinalyq saqtandyrýdyń róli erekshe túsinikti bolady jáne ol jinaqtaýshy emes, áleýmettik, barlyǵyna qoljetimdilik qaǵidaty boiynsha jumys isteýi tiis», - deidi ol.
