2021 jyly kvazimemlekettik sektordyń 14 top menedjeri qaramaǵyndaǵy qyzmetkerlerdiń sybailas jemqorlyq áreketi úshin jaýapqa tartyldy, dep habarlaidy QazAqparat.
Bul týraly QR Sybailas jemqorlyqqa qarsy is-qimyl agenttigi tóraǵasynyń orynbasary Ulan Sarqulov aitty.
«Kvazimemlekettik sektor sýbektileriniń basshylary sybailas jemqorlyqtyń aldyn alý sharalaryna ózderi múddeli bolýy tiis, óitkeni bul olardyń da jaýapkershiligi. Mysaly, ótken jyly kvazimemlekettik sektordyń 14 top menedjeri qaramaǵyndaǵy qyzmetkerlerdiń sybailas jemqorlyǵy úshin túrli tártiptik jaýapqa tartyldy», - dedi Sarqulov Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, memleket kvazimemlekettik sektorda sybailas jemqorlyqqa qarsy birqatar sharany qolǵa alǵan. Bir kózden satyp alý negizderi aitarlyqtai qysqarǵan.
«2021 jyldan bastap kvazimemlekettik sektorda esep berýdi kúsheitý maqsatynda qoǵamdyq keńester qurylyp jatyr. Kvazimemlekettik sektorda sybailas jemqorlyq buzýshylyqtarynyń yqtimal sýbektileriniń aýqymy keńeitildi. Olarǵa satyp alýdy uiymdastyrý jáne ótkizý jóninde sheshimder qabyldaýǵa ýákiletti nemese memlekettik biýdjetten jáne Ulttyq qordan qarjylandyrylatyn jobalardy irikteý men iske asyrýǵa jaýapty adamdar engizildi», - dedi Sarqulov.
