Byltyr qazaqstandyqtar tsifrlyq qujattardy 32 mln ret paidalanǵan. Bul 2020 jylǵy kórsetkishpen salystyrǵanda 10 esege jýyq kóp, dep habarlaidy QazAqparat.
Bul týraly Tsifrlyq damý, innovatsiialar jəne aeroǵarysh ónerkəsibi ministri Baǵdat Mýsin Májilistiń jalpy otyrysynda aitty.
«Byltyr el turǵyndary tsifrlyq qujattardy 32 mln ret paidalansa, 2020 jyly nebary 3,6 mln ret qoldanylǵan. Zań jobasynda elektrondyq qujattardy qaǵaz túrindegi balamasymen teń dárejeli etip zańdastyrý, elektrondyq qujattardy tolyqqandy qoldanýǵa kedergi keltiretin zańdardaǵy qaishylyqtar men ártúrli oqylymdardy alyp tastaý jáne tsifrlyq qujattardyń qoldanylý aiasyn keńeitý kózdelgen», - dedi Baǵdat Mýsin.
Onyń málimetinshe, zań jobasynda týý, neke qiiý jáne nekeni buzý týraly kýálikter siiaqty azamattyq hal aktilerin memlekettik tirkeý jónindegi qujattardy elektrondyq formatqa aýystyrý qarastyrylǵan.
«Bul azamattar úshin yńǵaily bolmaq, óitkeni mekemelerge barý mindetinen bosatylady, azamat kez kelgen ýaqytta qujatty basyp shyǵara alady nemese QR-kody bar elektrondyq nusqasyn usynady. Onyń ústine, qujatty joǵaltyp alsa, telnusqa jasatý qajet emes. Azamat ózi qalasa nemese shetelge ketken jaǵdaida qujatty qaǵazǵa basyp shyǵara alatyn bolady», - dedi ministr.
