بىلتىر قازاقستاندىقتار تسيفرلىق قۇجاتتاردى 32 ملن رەت پايدالانعان. بۇل 2020 جىلعى كٶرسەتكٸشپەن سالىستىرعاندا 10 ەسەگە جۋىق كٶپ, دەپ حابارلايدى قازاقپارات.
بۇل تۋرالى تسيفرلىق دامۋ, يننوۆاتسييالار جəنە اەروعارىش ٶنەركəسٸبٸ مينيسترٸ باعدات مۋسين مەجٸلٸستٸڭ جالپى وتىرىسىندا ايتتى.
«بىلتىر ەل تۇرعىندارى تسيفرلىق قۇجاتتاردى 32 ملن رەت پايدالانسا, 2020 جىلى نەبارى 3,6 ملن رەت قولدانىلعان. زاڭ جوباسىندا ەلەكتروندىق قۇجاتتاردى قاعاز تٷرٸندەگٸ بالاماسىمەن تەڭ دەرەجەلٸ ەتٸپ زاڭداستىرۋ, ەلەكتروندىق قۇجاتتاردى تولىققاندى قولدانۋعا كەدەرگٸ كەلتٸرەتٸن زاڭدارداعى قايشىلىقتار مەن ەرتٷرلٸ وقىلىمداردى الىپ تاستاۋ جەنە تسيفرلىق قۇجاتتاردىڭ قولدانىلۋ اياسىن كەڭەيتۋ كٶزدەلگەن», - دەدٸ باعدات مۋسين.
ونىڭ مەلٸمەتٸنشە, زاڭ جوباسىندا تۋۋ, نەكە قييۋ جەنە نەكەنٸ بۇزۋ تۋرالى كۋەلٸكتەر سيياقتى ازاماتتىق حال اكتٸلەرٸن مەملەكەتتٸك تٸركەۋ جٶنٸندەگٸ قۇجاتتاردى ەلەكتروندىق فورماتقا اۋىستىرۋ قاراستىرىلعان.
«بۇل ازاماتتار ٷشٸن ىڭعايلى بولماق, ٶيتكەنٸ مەكەمەلەرگە بارۋ مٸندەتٸنەن بوساتىلادى, ازامات كەز كەلگەن ۋاقىتتا قۇجاتتى باسىپ شىعارا الادى نەمەسە QR-كودى بار ەلەكتروندىق نۇسقاسىن ۇسىنادى. ونىڭ ٷستٸنە, قۇجاتتى جوعالتىپ السا, تەلنۇسقا جاساتۋ قاجەت ەمەس. ازامات ٶزٸ قالاسا نەمەسە شەتەلگە كەتكەن جاعدايدا قۇجاتتى قاعازعا باسىپ شىعارا الاتىن بولادى», - دەدٸ مينيستر.
