2020 jyly elimizdiń kómir óndirýshi kompaniialary 109,2 mln tonna kómir shyǵardy. Bul týraly QR Indýstriia jáne infraqurylymdyq damý ministrliginen málim boldy, dep habarlaidy «Ult aqparat».
«Energiia óndirýshi kásiporyndarǵa 58,8 mln tonna kómir tieldi, bul 2019 jylmen salystyrǵanda 2,6 paiyzǵa artyq. Ónerkásip kásiporyndaryna 5,6 mln tonna kómir jóneltildi, sondai-aq kommýnaldyq-turmystyq qajettilikterge jáne halyqqa 10,6 mln tonna kómir tieldi. Kómir eksporty shamamen 29,3 mln tonnany qurady», - delingen vedomstvo málimetinde.
Esterińizge sala keteiik, 2020-2021 jyldardaǵy kezeńde kommýnaldyq-turmystyq qajettilikter jáne halyq úshin kómir ónimi qajettiliginiń qalyptasqan josparyna sáikes, tutyný kólemi shamamen 10 mln tonnany qurady. Onyń ishinde kommýnaldyq-turmystyq sektorǵa shamamen 2,8 mln tonna, turǵyndarǵa 7,2 mln tonnasy tiesili. 2021 jylǵy 15 qańtardaǵy jaǵdai boiynsha jalpy josparǵa qatysty kómir qorymen qamtamasyz etý mynadai kórsetkishterdi quraidy:
-kommýnaldyq-turmystyq sektor - 93,4%; -turǵyndar - 99,5%. Aqtóbe, Almaty, Shyǵys Qazaqstan, Jambyl, Batys Qazaqstan, Qaraǵandy, Qostanai, Qyzylorda, Pavlodar oblystarynyń jáne Almaty men Shymkent qalalarynyń ákimdikteri kommýnaldyq-turmystyq sektor úshin kómir jetkizýdi tolyq qamtamasyz etti.
«Sonymen qatar, Batys Qazaqstan, Qyzylorda, Aqmola, Shyǵys Qazaqstan, Qostanai, Jambyl, Pavlodar oblystarynyń, Shymkent, Almaty jáne Nur-Sultan qalalarynyń ákimdikteri halyqqa kómir jetkizýdi tolyq qamtamasyz etti», - dep atalyp ótken ministrlik habarlamasynda.
