2021 jyly densaýlyq saqtaý salasynda 71 jemqorlyq faktisi tirkelgen. Vedomstvonyń keńeitilgen alqa otyrysynda ministr Ajar Ǵiniiat osyndai derek keltirdi, dep habarlaidy QazAqparat.
«Memleket basshysy «SQ-Farmatsiia» bazasynda meditsinalyq tehnikany ortalyqtandyrylǵan satyp alýǵa kóshýdi tapsyrdy. Osyǵan bailanysty óńirlerdiń qajettiligine taldaý júrgizilip, normativtik baza men aqparattyq júieler pysyqtalady.
Budan ári qarjylandyrý kózderin aiqyndai otyryp, 2025 jylǵa deiingi basym baǵyttar boiynsha meditsinalyq tehnikamen jaraqtandyrý baǵdarlamasy bekitiledi», - dedi vedomstvo basshysy.
Onyń sózine qaraǵanda, sybailas jemqorlyqqa qarsy qyzmettiń tekserýleri meditsinalyq jabdyqtardy satyp alý vedomstvodaǵy biýdjet qarajatyn jymqyrýdyń negizgi kózderiniń biri ekenin kórsetken.
«Jalpy 2021 jyly 71 qylmystyq quqyq buzý faktisi anyqtaldy. Sondai-aq, meditsinalyq qospalardy tóleýge bólingen biýdjet qarajatynyń maqsatsyz jumsalǵany baiqalady. Monitoringilik toptardyń jumysynda zańsyzdyqtar anyqtaldy. Vaktsinalaýdyń jalǵan elektrondyq pasporttaryn berý faktileri tirkelgenin bilesizder. Ondai sanattaǵy zańsyzdyqtar ásirese Nur-Sultan jáne Almaty qalasynda, Túrkistan, Almaty, Aqmola jáne Qostanai oblystarynda jii tirkeldi. Salada sybailas jemqorlyq kórinisterimen ymyrasyz kúres saiasaty jalǵasatynyn aitqym keledi», - dedi ministr.
