2021 جىلى دەنساۋلىق ساقتاۋ سالاسىندا 71 جەمقورلىق فاكتٸسٸ تٸركەلگەن. ۆەدومستۆونىڭ كەڭەيتٸلگەن القا وتىرىسىندا مينيستر اجار عينييات وسىنداي دەرەك كەلتٸردٸ, دەپ حابارلايدى قازاقپارات.
«مەملەكەت باسشىسى «سق-فارماتسييا» بازاسىندا مەديتسينالىق تەحنيكانى ورتالىقتاندىرىلعان ساتىپ الۋعا كٶشۋدٸ تاپسىردى. وسىعان بايلانىستى ٶڭٸرلەردٸڭ قاجەتتٸلٸگٸنە تالداۋ جٷرگٸزٸلٸپ, نورماتيۆتٸك بازا مەن اقپاراتتىق جٷيەلەر پىسىقتالادى.
بۇدان ەرٸ قارجىلاندىرۋ كٶزدەرٸن ايقىنداي وتىرىپ, 2025 جىلعا دەيٸنگٸ باسىم باعىتتار بويىنشا مەديتسينالىق تەحنيكامەن جاراقتاندىرۋ باعدارلاماسى بەكٸتٸلەدٸ», - دەدٸ ۆەدومستۆو باسشىسى.
ونىڭ سٶزٸنە قاراعاندا, سىبايلاس جەمقورلىققا قارسى قىزمەتتٸڭ تەكسەرۋلەرٸ مەديتسينالىق جابدىقتاردى ساتىپ الۋ ۆەدومستۆوداعى بيۋدجەت قاراجاتىن جىمقىرۋدىڭ نەگٸزگٸ كٶزدەرٸنٸڭ بٸرٸ ەكەنٸن كٶرسەتكەن.
«جالپى 2021 جىلى 71 قىلمىستىق قۇقىق بۇزۋ فاكتٸسٸ انىقتالدى. سونداي-اق, مەديتسينالىق قوسپالاردى تٶلەۋگە بٶلٸنگەن بيۋدجەت قاراجاتىنىڭ ماقساتسىز جۇمسالعانى بايقالادى. مونيتورينگٸلٸك توپتاردىڭ جۇمىسىندا زاڭسىزدىقتار انىقتالدى. ۆاكتسينالاۋدىڭ جالعان ەلەكتروندىق پاسپورتتارىن بەرۋ فاكتٸلەرٸ تٸركەلگەنٸن بٸلەسٸزدەر. ونداي ساناتتاعى زاڭسىزدىقتار ەسٸرەسە نۇر-سۇلتان جەنە الماتى قالاسىندا, تٷركٸستان, الماتى, اقمولا جەنە قوستاناي وبلىستارىندا جيٸ تٸركەلدٸ. سالادا سىبايلاس جەمقورلىق كٶرٸنٸستەرٸمەن ىمىراسىز كٷرەس ساياساتى جالعاساتىنىن ايتقىم كەلەدٸ», - دەدٸ مينيستر.
