Qarjy monitoringi agenttigi Qazaqstannyń úsh óńirinde selden qorǵaityn bógetter men sý qoimalaryn salý jáne tiisti jóndeý, ózen arnalaryn keńeitý jumystaryn júrgizýge tiis merdigerlerge qatysty sotqa deiingi tergeý amaldaryn bastady, bastady dep habarlaidy «Ult aqparat» vedomstvonyń baspasóz qyzmetine silteme jasap.
Almatyda TJM "Qazseldenqorǵaý" MM-men kelisimshartqa otyrǵan merdiger uiymnyń direktory biýdjet qarajatyn jymqyrý deregi boiynsha kúdikke ilindi.
"JShS "Aqsai ózeniniń basseininde seldi ustaityn bóget salý" jobasyn júzege asyrǵan. JShS-nyń jaýapty tulǵalary aldyn ala sóz bailasý arqyly asa iri kólemde biýdjet qarajatyn jymqyrdy degen kúdikke ilindi. Zalal somasy aldyn ala esep boiynsha 775 mln teńgeden asady", - dedi QR Qarjylyq monitoring agenttiginiń resmi ókili Álibek Ábdilov OKQ alańynda ótken brifingte.
Sondai-aq aýyr zardaptarǵa ákep soqqan mindetterge nemquraily qaraý faktisi boiynsha Aqtóbe oblysyndaǵy "Magadjan" bógetin (sý qoimasyn) senimgerlik basqarýǵa alǵan JShS basshysyna qatysty sotqa deiingi tergeý bastaldy.
"Anyqtalǵandai, 2014 jyly bul bóget balyq sharýashylyǵyn júrgizý maqsatynda jeke kompaniiaǵa senimgerlik basqarýǵa berilgen. Alaida JShS bógetti kútip ustaý jáne qyzmet kórsetý boiynsha óz mindetterin oryndamaǵan", - dedi spiker.
Sonymen qatar Ulytaý oblysynda JShS laýazymdy tulǵalaryna qatysty sotqa deiingi tergep-tekserý bastaldy. Atalǵan JShS kóktemgi sý tasqyny kezinde jaqyn mańdaǵy aýmaqtardy shaiylyp ketýden qorǵaý úshin uzyndyǵy 2 shaqyrym Jezdi ózenine sanatsiia júrgizý úshin jalpy somasy 485,5 mln teńgege memlekettik mekememen shart jasasqan.
Alaida jobany iske asyrýdyń baqylaý ólshemimen merdiger jalpy somasy 282,5 mln teńgege joba boiynsha qurylys-montajdaý jumystaryn naqty oryndamaǵany anyqtaldy. Sol kezde JShS atyna oryndalǵan jumystar aktilerine sáikes 400 mln teńge aýdarylǵan. Saldarynan 26 úi sý astynda qalyp, 174 adam evakýatsiialandy. Sotqa deiingi tergeý amaldary jalǵasýda.
