Sońǵy jekpe-jeginde aýyr jaraqat alǵan kásipqoi boksshy Aidos Erbosynuly aýrýhanadan shyqty, dep habarlaidy QazAqparat.

VKontakte áleýmettik jelisindegi «Qazaqstannyń kásipqoi boksy» paraqshasynda sportshynyń aýrýhanadan shyqqannan keiin jazǵan alǵashqy videoúndeýi jariialandy.

«Maǵan jankúier bolǵan jandardyń bárine Alla razy bolsyn. Aman-saýmyz, aýrýhanadan emdelip shyqtyq. Ainalysyp júrgen kásibimiz – boks – naǵyz erlerdiń sporty bolǵandyqtan, mundai jaǵdailar bolyp turady. Biz ǵana emes, áigili Pakiaolardyń ózi aýrýhanaǵa talai ret túsken, myqty bolyp oralǵan. Biz de, inshalla, myqty bolyp oralamyz. Alla buiyrsa, áli talai jeńisterge jetemiz, chempiondyq beldikti alyp kelemiz», - dedi Aidos Erbosynuly.

Eske salsaq, 6 qarasha qazaqstandyq boksshy Aidos Erbosynuly (16-0, 11 KO) men kýbalyq David Morrel (7-0, 6 KO) arasynda WBA nusqasy boiynsha sýper orta salmaqtaǵy «turaqty» álem chempiony ataǵy úshin jekpe-jek ótip, otandasymyz nokaýtpen jeńildi. Aiqastan soń boksshymyz shuǵyl túrde aýrýhanaǵa jetkizildi. Ol komaǵa tústi.

Boksshyǵa jankúierlermen birge Qazaqstan Prezidenti de qoldaý bildirdi.

Suleimen Promotions kompaniiasy buǵan deiin Amerikaǵa Aidostyń jubaiy ushyp kelgenin, boksshy taiaý ýaqytta aýrýhanadan shyǵarylýy yqtimal ekenin málimdegen edi.