سوڭعى جەكپە-جەگٸندە اۋىر جاراقات العان كەسٸپقوي بوكسشى ايدوس ەربوسىنۇلى اۋرۋحانادان شىقتى, دەپ حابارلايدى قازاقپارات.
ۆكونتاكتە ەلەۋمەتتٸك جەلٸسٸندەگٸ «قازاقستاننىڭ كەسٸپقوي بوكسى» پاراقشاسىندا سپورتشىنىڭ اۋرۋحانادان شىققاننان كەيٸن جازعان العاشقى ۆيدەوٷندەۋٸ جارييالاندى.
«ماعان جانكٷيەر بولعان جانداردىڭ بەرٸنە اللا رازى بولسىن. امان-ساۋمىز, اۋرۋحانادان ەمدەلٸپ شىقتىق. اينالىسىپ جٷرگەن كەسٸبٸمٸز – بوكس – ناعىز ەرلەردٸڭ سپورتى بولعاندىقتان, مۇنداي جاعدايلار بولىپ تۇرادى. بٸز عانا ەمەس, ەيگٸلٸ پاكياولاردىڭ ٶزٸ اۋرۋحاناعا تالاي رەت تٷسكەن, مىقتى بولىپ ورالعان. بٸز دە, ينشاللا, مىقتى بولىپ ورالامىز. اللا بۇيىرسا, ەلٸ تالاي جەڭٸستەرگە جەتەمٸز, چەمپيوندىق بەلدٸكتٸ الىپ كەلەمٸز», - دەدٸ ايدوس ەربوسىنۇلى.
ەسكە سالساق, 6 قاراشا قازاقستاندىق بوكسشى ايدوس ەربوسىنۇلى (16-0, 11 كو) مەن كۋبالىق داۆيد موررەل (7-0, 6 كو) اراسىندا WBA نۇسقاسى بويىنشا سۋپەر ورتا سالماقتاعى «تۇراقتى» ەلەم چەمپيونى اتاعى ٷشٸن جەكپە-جەك ٶتٸپ, وتانداسىمىز نوكاۋتپەن جەڭٸلدٸ. ايقاستان سوڭ بوكسشىمىز شۇعىل تٷردە اۋرۋحاناعا جەتكٸزٸلدٸ. ول كوماعا تٷستٸ.
بوكسشىعا جانكٷيەرلەرمەن بٸرگە قازاقستان پرەزيدەنتٸ دە قولداۋ بٸلدٸردٸ.
Suleimen Promotions كومپانيياسى بۇعان دەيٸن امەريكاعا ايدوستىڭ جۇبايى ۇشىپ كەلگەنٸن, بوكسشى تاياۋ ۋاقىتتا اۋرۋحانادان شىعارىلۋى ىقتيمال ەكەنٸن مەلٸمدەگەن ەدٸ.
