Qazaqstan BUU-nyń missiiasy men Jarǵysyn berik ustanady. Bul týraly BUU Bas Assambleiasynyń onlain formatta ótken 75-sessiiasynda Qazaqstan Prezidenti Qasym-Jomart Toqaev aitty, dep habarlaidy "Ult aqparat".
«COVID-19 indetin aýyzdyqtaý asa qiyn bolyp otyr. Álemde jappai qarýlaný úderisi qaitadan beleń alyp keledi. Strategiialyq damý maqsattaryn júzege asyrý isi turalap qaldy. BUU Jarǵysynda bekitilgen murat-maqsattar budan bylai kádege aspaidy degen pikir taraýda. Men óz elimniń Prezidenti jáne BUU-nyń burynǵy joǵary laýazymdy tulǵasy retinde bul kózqaraspen múlde kelispeimin. Buǵan qaramastan, biz úmit otyn óshirmei, qaita ony laýlatýymyz kerek; ortaq murat-maqsattan bas tartpai, oǵan qol jetkizý úshin kúsh-jigerimizge tyń serpin berýimiz qajet; anarhiiaǵa jol bermei, halyqaralyq quqyqqa negizdelgen qoǵamdastyq qurýdy jalǵastyrýǵa tiispiz», - dedi Memleket basshysy.
Qazaqstan Prezidentiniń atap ótýinshe, bul – óte kúrdeli mindetter.
«Aldaǵy onjyldyq 2030 jylǵa deiingi ornyqty damýdyń Kún tártibinde turǵan mindetterin júzege asyrý jáne qazirgi zamanǵy daǵdarystardy eńserýdiń tiimdi jolyn tabý úshin sheshýshi kezeń bolady. Bul aýqymdy maqsat ortaq kúsh-jigerdi jáne jaýapkershilikti talap etedi. Biz Bas hatshy Antoniý Gýterrishtiń tabandy kóshbasshylyq qyzmetine rizashylyq bildiremiz. Sondai-aq, onyń Birikken Ulttar Uiymyndaǵy tiimdilikti, ashyqtyq pen aiqyndyqty arttyrý jónindegi qazirgi jumysyna qoldaý kórsetemiz»,- dedi Qasym-Jomart Toqaev.
Memleket basshysy Qazaqstan BUU-nyń missiiasy men Jarǵysyn berik ustanatyndyǵyn basa aitty.
«Sonymen qatar, elimiz turaqty, ádiletti jáne órkendegen álem qurý jolyndaǵy ortaq mindetti júzege asyrýǵa atsalysady. Birikken Ulttar Uiymy aýqymdy ári birden-bir ámbebap halyqaralyq uiym retinde shyn máninde balamasyz bolyp qala beretinine senimdimin», - dedi Qazaqstan Prezidenti.
