قازاقستان بۇۇ-نىڭ ميسسيياسى مەن جارعىسىن بەرٸك ۇستانادى. بۇل تۋرالى بۇۇ باس اسسامبلەياسىنىڭ ونلاين فورماتتا ٶتكەن 75-سەسسيياسىندا قازاقستان پرەزيدەنتٸ قاسىم-جومارت توقاەۆ ايتتى, دەپ حابارلايدى "ۇلت اقپارات".
«COVID-19 ٸندەتٸن اۋىزدىقتاۋ اسا قيىن بولىپ وتىر. ەلەمدە جاپپاي قارۋلانۋ ٷدەرٸسٸ قايتادان بەلەڭ الىپ كەلەدٸ. ستراتەگييالىق دامۋ ماقساتتارىن جٷزەگە اسىرۋ ٸسٸ تۇرالاپ قالدى. بۇۇ جارعىسىندا بەكٸتٸلگەن مۇرات-ماقساتتار بۇدان بىلاي كەدەگە اسپايدى دەگەن پٸكٸر تاراۋدا. مەن ٶز ەلٸمنٸڭ پرەزيدەنتٸ جەنە بۇۇ-نىڭ بۇرىنعى جوعارى لاۋازىمدى تۇلعاسى رەتٸندە بۇل كٶزقاراسپەن مٷلدە كەلٸسپەيمٸن. بۇعان قاراماستان, بٸز ٷمٸت وتىن ٶشٸرمەي, قايتا ونى لاۋلاتۋىمىز كەرەك; ورتاق مۇرات-ماقساتتان باس تارتپاي, وعان قول جەتكٸزۋ ٷشٸن كٷش-جٸگەرٸمٸزگە تىڭ سەرپٸن بەرۋٸمٸز قاجەت; انارحيياعا جول بەرمەي, حالىقارالىق قۇقىققا نەگٸزدەلگەن قوعامداستىق قۇرۋدى جالعاستىرۋعا تيٸسپٸز», - دەدٸ مەملەكەت باسشىسى.
قازاقستان پرەزيدەنتٸنٸڭ اتاپ ٶتۋٸنشە, بۇل – ٶتە كٷردەلٸ مٸندەتتەر.
«الداعى ونجىلدىق 2030 جىلعا دەيٸنگٸ ورنىقتى دامۋدىڭ كٷن تەرتٸبٸندە تۇرعان مٸندەتتەرٸن جٷزەگە اسىرۋ جەنە قازٸرگٸ زامانعى داعدارىستاردى ەڭسەرۋدٸڭ تيٸمدٸ جولىن تابۋ ٷشٸن شەشۋشٸ كەزەڭ بولادى. بۇل اۋقىمدى ماقسات ورتاق كٷش-جٸگەردٸ جەنە جاۋاپكەرشٸلٸكتٸ تالاپ ەتەدٸ. بٸز باس حاتشى انتونيۋ گۋتەرريشتٸڭ تاباندى كٶشباسشىلىق قىزمەتٸنە ريزاشىلىق بٸلدٸرەمٸز. سونداي-اق, ونىڭ بٸرٸككەن ۇلتتار ۇيىمىنداعى تيٸمدٸلٸكتٸ, اشىقتىق پەن ايقىندىقتى ارتتىرۋ جٶنٸندەگٸ قازٸرگٸ جۇمىسىنا قولداۋ كٶرسەتەمٸز»,- دەدٸ قاسىم-جومارت توقاەۆ.
مەملەكەت باسشىسى قازاقستان بۇۇ-نىڭ ميسسيياسى مەن جارعىسىن بەرٸك ۇستاناتىندىعىن باسا ايتتى.
«سونىمەن قاتار, ەلٸمٸز تۇراقتى, ەدٸلەتتٸ جەنە ٶركەندەگەن ەلەم قۇرۋ جولىنداعى ورتاق مٸندەتتٸ جٷزەگە اسىرۋعا اتسالىسادى. بٸرٸككەن ۇلتتار ۇيىمى اۋقىمدى ەرٸ بٸردەن-بٸر ەمبەباپ حالىقارالىق ۇيىم رەتٸندە شىن مەنٸندە بالاماسىز بولىپ قالا بەرەتٸنٸنە سەنٸمدٸمٸن», - دەدٸ قازاقستان پرەزيدەنتٸ.
