Stambulda ǵimarat shatyrynan qulap qaza tapqan 26 jastaǵy qazaqstandyq Aisulý Bekmahanovanyń ólimine bailanysty ustalǵan eki adam sot baqylaýymen bosatyldy. Alaida olarǵa Túrkiiadan shyǵýǵa tyiym salyndy, dep habarlaidy ult.kz.
DHA agenttiginiń málimetinshe, buǵan deiin politsiia marqummen birge turǵan 22 jastaǵy Resei azamaty Daria B. men onyń súiiktisi bolýy múmkin 35 jastaǵy Mazhar T.-ny ustaǵan. Jaýap alynǵannan keiin ekeýi de bosatylǵan.
Beinebaqylaý jazbalarynan Aisulýdyń qaza bolar aldynda Mazhar T.-ǵa baryp, keiin úiine oralǵany baiqalady.
Daria B.-nyń aitýynsha, tańǵy saǵat 08:15 shamasynda ol Aisulýdy shatyrdyń shetinde otyrǵan jerinen kórip, tómen túsýin suraǵan. Alaida keiin bólmesine ketken. Biraz ýaqyttan soń oianyp, Aisulýdyń joq ekenin baiqaǵan. Keiin ony ǵimarattyń tómengi jaǵynan qimylsyz jatqan kúide kórgen.
Aldyn ala boljam boiynsha, Aisulý altynshy qabattaǵy balkonnan kórshi ǵimarattyń shatyryna ótip, shatyrdyń bir bóligi synǵan kezde tómenge qulaǵan bolýy múmkin.
Qazaqstandyq qyz 25 qazanda Stambuldyń Shishli aýdanynda qaza tapty. Qazir túrik politsiiasy oqiǵanyń mán-jaiyn anyqtap jatyr.
