Foto ©REUTERS
BUU Ýkrainadaǵy beibit turǵyndar arasynda qansha adam qaitys bolǵanyn aitty, - dep habarlaidy Tengrinews.kz tilshisi.
BUU joǵarǵy komissarynyń adam quqyqtary jónindegi basqarmasy (BUU AQJKB) Twitter-degi resmi paraqshasynda 24 aqpanda soǵys bastalǵannan beri Ýkrainada keminde 227 beibit turǵyn qaza taýyp, 525 adam jaraqat alǵanyn aitty.
"2022 jyly 24 aqpanda tańǵy saǵat 4-ten Resei Federatsiiasy Ýkrainaǵa qarsy soǵys qimyldaryn bastaǵan kezden beri 2022 jyly 1 naýryz tún ortasyna deiin Ýkrainada 752 adam qaitys boldy nemese jaraqat aldy. Sonyń ishinde 227 adam qaitys boldy (31 er adam, 25 áiel, 6 ul jáne 3 qyz, sondai-aq, jynysy áli anyqtalmaǵan 6 bala jáne 156 eresek) jáne 525 jaraly (42 er adam, 33 áiel, 7 qyz jáne 2 ul, sondai-aq, jynysy áli anyqtalmaǵan 19 bala jáne 422 eresek)", - delingen qujatta.
Beibit turǵyndar arasynda qaza tapqan nemese jaraqat alǵan jaǵdailardyń sebebi aýyr artilleriiadan, reaktiv zymyrandardan jáne áýe soqqylarynan, jarylǵysh qurylǵylardan bolǵan.
BUU AQJKB naqty san áldeqaida joǵary dep sanaidy, bul aqparat qosymsha rastalýy qajet. Soǵys qimyldary jalǵasyp jatqan keibir jerlerden aqparat alý qiyn.
Buǵan deiin Reseidiń Qorǵanys ministrligi Ýkrainadaǵy Resei áskerinen qansha adam qaza tapqanyn jariialady. Vedomstvo málimetinshe, 498 áskeri qaitys bolǵan, 1597 adam jaraqat alǵan.
