Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Saiasat

BUU Reseidi Qaýipsizdik Keńesinen shyǵarý múmkin emesin málimdedi

Ult portaly
BUU Reseidi Qaýipsizdik Keńesinen shyǵarý múmkin emesin málimdedi

Reseidiń BUU janyndaǵy turaqty ókili Vasilii Nebenzia. © Reuters

AQSh-tyń BUU-daǵy elshisi Linda Tomas-Grinfild Resei BUU-nyń Qaýipsizdik Keńesinde múshe bolýy yńǵaisyzdyq týdyrady, oqshaýlanýy múmkin, biraq ony múshelikten shyǵara almaimyz dep málimdedi, - dep habarlaidy Tengrinews.kz tilshisi Euronews saityna silteme jasap.

Bir kún buryn Ýkraina prezidenti Vladimir Zelenskii de osyndai bastama kótergen bolatyn. Ol reseilik áskerlerdi Kiev oblysynyń Býcha qalasynda áskeri qylmys jasady dep aiyptaǵan bolatyn.

"Men sizderge kún saiyn qaza bolǵandardy, azaptalyp, jelkesinen oqqa ushqan beibit turǵyndardy eske alatyn halyqtyń atynan hat jazyp otyrmyn. Olardyń keibiri kóshede oqqa ushsa, keibiri qudyqtardyń ishinde azappen óldi. Olar óz páterlerinde, úilerinde granata laqtyrylǵannan keiin óldi. Olardy óz kólikterinde tankter basyp óltirdi", - dedi Zelenskii BUU Qaýipsizdik keńesiniń otyrysynda 5 sáýirdegi Ýkrainadaǵy jaǵdai týraly.

Bul arada Máskeý Býchadan tabylǵan qaza tapqandardyń máiitterin arandatýshylyq dep sanady. Resei Syrtqy ister ministri Sergei Lavrov bul arandatýshylyq elder arasyndaǵy kelissózder protsesin buzýǵa baǵyttalǵanyn aitty.

"Sońǵy kúnderi Batys pen Ýkrainanyń úgit-nasihattaýshylary tek Kiev oblysynyń Býcha qalasynda Ýkrainanyń áskeri jáne qaýipsizdik qyzmeti túsirgen videonyń ainalasynda arandatýshylyqty kúsheitý úshin ǵana jumys istep jatyr. Shyndyqqa janaspaityn jalǵan arandatýdyń sebebi nede? Biz buny bolyp jatqan kelissózderdi buzýǵa sebep tabý dep oilaimyz", - dedi Lavrov.

Oqi otyryńyz