رەسەيدٸڭ بۇۇ جانىنداعى تۇراقتى ٶكٸلٸ ۆاسيليي نەبەنزيا. © Reuters
اقش-تىڭ بۇۇ-داعى ەلشٸسٸ ليندا توماس-گرينفيلد رەسەي بۇۇ-نىڭ قاۋٸپسٸزدٸك كەڭەسٸندە مٷشە بولۋى ىڭعايسىزدىق تۋدىرادى, وقشاۋلانۋى مٷمكٸن, بٸراق ونى مٷشەلٸكتەن شىعارا المايمىز دەپ مەلٸمدەدٸ, - دەپ حابارلايدى Tengrinews.kz تٸلشٸسٸ Euronews سايتىنا سٸلتەمە جاساپ.
بٸر كٷن بۇرىن ۋكراينا پرەزيدەنتٸ ۆلاديمير زەلەنسكيي دە وسىنداي باستاما كٶتەرگەن بولاتىن. ول رەسەيلٸك ەسكەرلەردٸ كيەۆ وبلىسىنىڭ بۋچا قالاسىندا ەسكەري قىلمىس جاسادى دەپ ايىپتاعان بولاتىن.
"مەن سٸزدەرگە كٷن سايىن قازا بولعانداردى, ازاپتالىپ, جەلكەسٸنەن وققا ۇشقان بەيبٸت تۇرعىنداردى ەسكە الاتىن حالىقتىڭ اتىنان حات جازىپ وتىرمىن. ولاردىڭ كەيبٸرٸ كٶشەدە وققا ۇشسا, كەيبٸرٸ قۇدىقتاردىڭ ٸشٸندە ازاپپەن ٶلدٸ. ولار ٶز پەتەرلەرٸندە, ٷيلەرٸندە گراناتا لاقتىرىلعاننان كەيٸن ٶلدٸ. ولاردى ٶز كٶلٸكتەرٸندە تانكتەر باسىپ ٶلتٸردٸ", - دەدٸ زەلەنسكيي بۇۇ قاۋٸپسٸزدٸك كەڭەسٸنٸڭ وتىرىسىندا 5 سەۋٸردەگٸ ۋكرايناداعى جاعداي تۋرالى.
