2050 jylǵa qarai Resei halqynyń sany 133 millionǵa deiin azaiady. BUU-nyń ekonomikalyq jáne áleýmettik máseleleri boiynsha departament sarapshylary osyndai boljam jasap otyr. Boljamǵa sensek, 2015 jylmen salystyrǵanda shamamen 30 jyldan soń Resei halqy 20 million adamǵa azaiady.
Rosstat dereginshe, ótken jyly Reseide týý kórsetkishi 10 paiyzǵa tómendegen. Bul sońǵy on jyldyń ishindegi eń joǵary kórsetkish. Elde áli kúnge deiin halyqtyń tabiǵi azaiýy jalǵasyp jatyr. Rosstat boljamynsha, azaiý úrdisi odan beter kúsheie túsedi.
Qazirgi kezde Reseide ómir súrý uzaqtyǵy 72,5 jas. Sarapshylar buǵan deiin ómir surý uzaqtyǵynyń tómen bolýyn kóp kólemde ishimdik ishýmen, durys tamaq ishpeý jáne qozǵalmaityn ómir súrý saltymen bailanystyrǵan edi.
Mamyr aiynyń basynda Resei prezidenti Vladimir Pýtin reseilikterdiń ómir súrý uzaqtyǵyn 2024 jyly 78 jasqa deiin jetkizýdi tapsyrdy. Pýtin úkimetten dene shynyqtyrýmen ainalysatyn jáne salaýatty ómir súrý saltyn ustanatyn reseilikter sanyn 55 paiyzǵa deiin kóbeitýdi talap etti.
Derekkóz: Azattyq radiosy
