BUU janyndaǵy Qazaqstannyń turaqty ókili Qairat Omarov BUU janynda akkredittelgen úkimettik emes uiymdardyń ókilderimen kezdesti, dep habarlaidy "Ult aqparat" SIM baspasóz qyzmetine silteme jasap.
Jiynda Qaýipsizdik Keńesine Qazaqstannyń tóraǵalyq etýdegi basty sharalary retinde qazaqstandyq diplomat Prezident Nursultan Nazarbaevtyń qatysýymen 18 qańtarda ótetin «Jappai qyryp-joiýǵa arnalǵan qarýdyń taralmaýy: senim sharalary» taqyrybyndaǵy brifingin, 19 qańtarda Syrtqy ister ministri Qairat Ábdiramanovtyń tóraǵalyq etýimen ótetin Ortalyq Aziia men Aýǵanstan boiynsha ministrlikter deńgeiindegi debatty atap ótti.
Qairat Omarov Qaýipsizdik Keńesiniń kún tártibindegi jáne memleketimizdiń jahandyq saiasat aýqymyndaǵy syrtqy saiasi basymdyqtary jaily ózekti saýaldarǵa jaýap berdi. Suraqtardyń kóbi Siriia máselesi boiynsha Astana protsesin ótkizýdegi Qazaqstannyń róli men kezdesýlerdiń nátijesi, iadrolyq qarýlardy taratpaý baǵyttaryndaǵy el men Prezidenttiń qosqan úlesi, Taiaý Shyǵystaǵy, Iemendegi birqatar máseleler, Mianmadaǵy ahýal jáne ózge de suraqtar qoiyldy.
Sarapshylar óz sózinde beibitshilikke kelgende saiasi jiger men berik ustanymyn tanyta bilgen, iadrolyq qarýlardan ada erkin álemdi qurý ideiasyn jalǵaýǵa kúsh salǵan, iadrolyq qarýlardan bas tartqan Qazaqstan men onyń Prezidenti Nursultan Nazarbaevtyń tarihi sheshimine joǵary baǵa berdi. QHDR men ózge de memleketterge qazaqstandyq úlginiń mańyzdy bolary atalyp ótti.
Kezdesýge qarýsyzdandyrý, adam quqyǵy, áielder men balalardy qorǵaý, qarýly qaqtyǵystarda qaýipsizdikti qorǵaý salalary boiynsha 40-qa jýyq sarapshylar birlestigi qatysty.
