بۇۇ جانىنداعى قازاقستاننىڭ تۇراقتى ٶكٸلٸ قايرات وماروۆ بۇۇ جانىندا اككرەديتتەلگەن ٷكٸمەتتٸك ەمەس ۇيىمداردىڭ ٶكٸلدەرٸمەن كەزدەستٸ, دەپ حابارلايدى "ۇلت اقپارات" سٸم باسپاسٶز قىزمەتٸنە سٸلتەمە جاساپ.
جيىندا قاۋٸپسٸزدٸك كەڭەسٸنە قازاقستاننىڭ تٶراعالىق ەتۋدەگٸ باستى شارالارى رەتٸندە قازاقستاندىق ديپلومات پرەزيدەنت نۇرسۇلتان نازارباەۆتىڭ قاتىسۋىمەن 18 قاڭتاردا ٶتەتٸن «جاپپاي قىرىپ-جويۋعا ارنالعان قارۋدىڭ تارالماۋى: سەنٸم شارالارى» تاقىرىبىنداعى بريفينگٸن, 19 قاڭتاردا سىرتقى ٸستەر مينيسترٸ قايرات ەبدٸرامانوۆتىڭ تٶراعالىق ەتۋٸمەن ٶتەتٸن ورتالىق ازييا مەن اۋعانستان بويىنشا مينيسترلٸكتەر دەڭگەيٸندەگٸ دەباتتى اتاپ ٶتتٸ.
قايرات وماروۆ قاۋٸپسٸزدٸك كەڭەسٸنٸڭ كٷن تەرتٸبٸندەگٸ جەنە مەملەكەتٸمٸزدٸڭ جاھاندىق ساياسات اۋقىمىنداعى سىرتقى ساياسي باسىمدىقتارى جايلى ٶزەكتٸ ساۋالدارعا جاۋاپ بەردٸ. سۇراقتاردىڭ كٶبٸ سيرييا مەسەلەسٸ بويىنشا استانا پروتسەسٸن ٶتكٸزۋدەگٸ قازاقستاننىڭ رٶلٸ مەن كەزدەسۋلەردٸڭ نەتيجەسٸ, يادرولىق قارۋلاردى تاراتپاۋ باعىتتارىنداعى ەل مەن پرەزيدەنتتٸڭ قوسقان ٷلەسٸ, تاياۋ شىعىستاعى, يەمەندەگٸ بٸرقاتار مەسەلەلەر, ميانماداعى احۋال جەنە ٶزگە دە سۇراقتار قويىلدى.
ساراپشىلار ٶز سٶزٸندە بەيبٸتشٸلٸككە كەلگەندە ساياسي جٸگەر مەن بەرٸك ۇستانىمىن تانىتا بٸلگەن, يادرولىق قارۋلاردان ادا ەركٸن ەلەمدٸ قۇرۋ يدەياسىن جالعاۋعا كٷش سالعان, يادرولىق قارۋلاردان باس تارتقان قازاقستان مەن ونىڭ پرەزيدەنتٸ نۇرسۇلتان نازارباەۆتىڭ تاريحي شەشٸمٸنە جوعارى باعا بەردٸ. قحدر مەن ٶزگە دە مەملەكەتتەرگە قازاقستاندىق ٷلگٸنٸڭ ماڭىزدى بولارى اتالىپ ٶتتٸ.
كەزدەسۋگە قارۋسىزداندىرۋ, ادام قۇقىعى, ەيەلدەر مەن بالالاردى قورعاۋ, قارۋلى قاقتىعىستاردا قاۋٸپسٸزدٸكتٸ قورعاۋ سالالارى بويىنشا 40-قا جۋىق ساراپشىلار بٸرلەستٸگٸ قاتىستى.
