2017 jylǵy 10 qańtarda Qazaqstan alǵash ret BUU Qaýipsizdik Keńesiniń turaqty emes múshesi retinde onyń "Shielenisterdi aldyn alý jáne beibitshilikti saqtaý" taqyrybyndaǵy ashyq pikirtalastaryna qatysty, osy pikirtalastar aiasynda Qazaqstannyń Syrtqy ister ministri Qairat Ábdirahmanov Prezident Nursultan Nazarbaevtyń "Qaýipsiz, ádil jáne gúldengen álem qurý úshin jahandyq áriptestikti nyǵaitýǵa qazaqstandyq tujyrymdamalyq kózqaras" atty saiasi joldaýyn tanystyryp ótti, - dep habarlaidy "Ult aqparat" QR SIM baspasóz qyzmetine silteme jasap.
Pikirtalastar barysynda Qazaqstannyń Syrtqy ister ministri 2017-2018 jyldar kezeńinde Qaýipsizdik Keńesiniń turaqty emes múshesi retindegi Qazaqstan ókilettikteriniń bastalýyna orai Memleket basshysynyń Saiasi joldaýyn jariialady.
Ábdirahmanov bul Joldaýdyń Memleket basshysynyń 2016 jylǵy 31 naýryzdaǵy "Álem. HHI ǵasyr" manifesiniń qaǵidattaryna negizdeletindigin jáne ony shyǵarmashylyq turǵydan damytatyndyǵyn atap kórsetti. Prezident N. Nazarbaevtyń Iadrolyq qaýipsizdik jónindegi IV sammit aiasynda usynylǵan baǵdarlamalyq qujatynyń BUU-nyń 100 jyldyq mereitoiyna qarsy iadrolyq qarýsyz álem qurý maqsatynda halyqaralyq beibitshilik pen qaýipsizdikti nyǵaitý, sondai-aq beibitshilik, qaýipsizdik jáne damý arasyndaǵy ajyramas bailanysty qamtamasyz ete otyryp, ǵalamshardy soǵystar men shielenisterdiń aryltý isinde kúsh-jigerdi biriktirý jáne yntymaqtasý qajettigine basa nazar aýdarǵandyǵy belgili.
Joldaýda atap kórsetilgendei, "Qazaqstan Keńeste beibitshilik pen qaýipsizdikti saqtaý men nyǵaitýdyń birinshi kezektegi mańyzdylyǵyn negizge ala otyryp, onyń búkil kún tártibi boiynsha ádil jáne shynaiy jumys isteitin bolady". Nazarbaevtyń aitýynsha, Astana "Qaýipsizdik Keńesiniń barlyq múshelerimen teń quqyly negizde yntymaqtasa jumys isteýge, halyqaralyq beibitshilik pen qaýipsizdikti nyǵaitý maqsatynda ymyraǵa qol jetkizip, bátýalastyqtyń qalyptasýyna septigin tigizýge nietti".
Osyǵan orai, joldaýda BUU QK turaqty emes múshesi retindegi Qazaqstan jumysynyń basymdyqtary atap kórsetildi. Olardyń qatarynda iadrolyq qarýsyz álemdi jaqyndatý, jahandyq soǵys qaterin boldyrmaý, Aýǵanstandaǵy beibitshilikke yqpaldasý, Ortalyq Aziiada beibitshiliktiń óńirlik aimaǵyn qalyptastyrý, BUU qamqorlyǵymen Jahandyq lańkestikke qarsy koalitsiia (jeli) qurý, Afrikanyń beibit damýyna járdemdesý, BUU-nyń Ornyqty damý maqsattaryn, beibitshilik, qaýipsizdik jáne damý arasyndaǵy ajyramas bailanysty ilgeriletý, BUU-ny HHI ǵasyr talaptaryna beiimdeý jáne jahandyq problemalardy sheshý úshin ujymdyq saiasi erikti nyǵaitý maqsatynda memleketter men úkimetter basshylary deńgeiinde QK-ne múshe memleketterdiń turaqty kezdesýler tetigin kelisý bar.
Memleket basshysy óz joldaýynda "Qazaqstan Keńeste barlyq múshe eldermen atalmysh basymdyqty baǵyttar boiynsha ashyq, ádil jáne saiasi jaǵdaiatsyz, jaýapty, salmaqty jáne syndarly túrde jumys isteýge nietti" ekenin atap kórsetken.
Osyǵan orai, qujatta "Qazaqstannyń mańyzdy maqsatqa - HHI ǵasyrda álemdi qaýipsiz, ádil jáne gúldengen álemge ainaldyrý maqsatyna qol jetkizý jónindegi óz bastamalaryna áriptesteriniń tarapynan qoldaý kórsetiletindigine senim bildiretindigi" aitylady.
Qazaqstandyq tarap sondai-aq pikirtalas qatysýshylarynyń nazaryn preventivti diplomatiiadaǵy, senim sharalaryn ilgeriletý men nyǵaitýdaǵy, jappai qyryp-joiý qarýyn tartpaýdaǵy, daý-janjaldardy retteýdegi jáne halyqaralyq lańkestikke qarsy áreket etýdegi birlesken kúsh-jigerdiń mańyzdylyǵyna aýdardy. Qazaqstan basshylyǵynyń Astanada Siriiada beibitshilik ornatý boiynsha kelissózder alańyn usynýǵa daiyn ekendigi taǵy da atap kórsetildi.
Niý-Iork qalasynda ótken is-sharaǵa BUU Bas hatshysy Antoniý Gýterrish, Ulybritaniia, Italiia, Latviia, Polsha, Frantsiia, Niderlandy, Ýkraina, Shvetsiia, Efiopiia jáne Japoniianyń syrtqy saiasi vedomstvolarynyń basshylary jáne syrtqy ister ministrleriniń orynbasarlary, Resei, Qytai, AQSh jáne BUU-na múshe basqa da memleketterdiń BUU janyndaǵy turaqty ókilderi qatysty.
Qaýipsizdik Keńesiniń músheleri jáne BUU elderiniń ókilderi pikirtalastar barysynda shielenisterdiń aldyn alý jáne beibitshilikti saqtaý salasyndaǵy ózderiniń ulttyq basymdyqtary týraly málimdedi, sondai-aq búkilálemdik uiym qyzmetiniń osy basymdyqty baǵyttary boiynsha jańa Bas hatshynyń jumysyna qoldaý bildirdi.
Qazaqstan Prezidentiniń joldaýy otyrys qatysýshylarynyń joǵary baǵasyna ie boldy. Budan basqa, ony BUU QK resmi qujaty retinde tirkeý týraly sheshim qabyldandy.
Niý-Iorktegi sapar barysynda sondai-aq Q. Ábdirahmanovtyń BUU Bas hatshysy A. Gýterrishpen kezdesýi bolyp ótti. Kezdesý barysynda Astananyń Qaýipsizdik Keńesine músheligi baǵdarlamasynyń ózekti máselelerin jáne Qazaqstan men BUU yntymaqtastyǵynyń kóp qyrly kún tártibin talqylandy.
.jpeg)