BUU-nyń adam quqyǵy jónindegi joǵarǵy komissary Zeid Raad ál-Hýssein Reseidiń synyn qabyldamai, AQSh prezidenttigine Respýblikashyl partiiadan kandidat Donald Trampty "halyqaralyq ustanym turǵysynan alǵanda qaýipti prezident" bolatynyn málimdedi.
Osy aptada Reseidiń BUU-daǵy elshisi Vitalii Chýrkin Zeid Raad ál-Hýssein Batys elderiniń basshylaryn synaýǵa tiisti emes jáne tek adam quqyǵyn qorǵaý máselesimen ainalysqany jón degen edi.
Biraq Zeid 12 qazanda Donald Tramptyń keibir málimdemelerin "qatty alańdatady" dep atady. Jýrnalistermen áńgimesinde ol "popýlister men demagogtardyń" immigranttar men basqa da áleýmettik álsiz toptar úshin týdyratyn qaýipterine qatysty eskertpelerinen bas tartpaitynyn aitty.
"Donald Tramp óz pikirlerinen ainymasa, onda prezident bolyp sailanǵan jaǵdaida halyqaralyq qaýymdastyqqa qaýipti bolady" dedi BUU bas komissary.
