BUU Bas hatshysy Antoniý Gýterrish AQSh, Frantsiia jáne Ulybritaniia tarapynan Siriiaǵa berilgen áýe soqqylary týraly málimdeme jasady.
BUU basshysynyń aitýynsha, barlyq elder Birikken Ulttar Uiymynyń Jarǵysyna, halyqaralyq quqyq printsipterine sáikes áreket etýi tiis.
Antoniý Gýterrish BUU Qaýipsizdik Keńesi halyqaralyq beibitshilik pen qaýipsizdikti qamtamasyz etýge jaýapty ekenin qadap aitty. Ol Qaýipsizdik Keńesin birigýge, óz mindettemelerin oryndaýǵa, Siriia halqynyń qasiretin odan beter aýyrlatýy múmkin áreketter jasamaýǵa shaqyrdy.
BUU Bas hatshysynyń sózine qaraǵanda, himiialyq qarýdy qoldanýǵa jol berýge bolmaidy. Ol Qaýipsizdik Keńesiniń Siriiada himiialyq qarýdyń qoldanylýyna aiyptylardy jazalaityn mehanizmder máselesinde kelisimge kele almaǵanyna ókinetinin bildirdi.
Eske sala keteiik, búgin, Damask ýaqytymen tańǵy tórtter shamasynda AQSh prezidenti Donald Tramptyń buiryǵymen Siriiaǵa zymyran soqqylary berilgen bolatyn.
