BUU Bas hatshysy Antoniý Gýterrish Dúniejúzilik densaýlyq saqtaý uiymynyń (DDSU) koronavirýsqa qarsy shyǵarylǵan reseilik vaktsinaǵa barynsha tez sertifikat beretinine senip otyr, dep habarlaidy TASS agenttigi.
Koronavirýsqa qarsy shyǵarylǵan reseilik vaktsina BUU missiialarynda qoldanylyp, pandemiiaǵa qarsy kúreste mańyzdy ról atqara alady, dep málimdedi Gýterrish.
«Biz reseilik vaktsinany bul kúreste (koronavirýs pandemiiasymen – TASS) óte mańyzdy ról atqara alady dep senemiz. Ol vaktsinalar óz qyzmetkerlerimiz úshin de, jergilikti turǵyndar úshin de qoldanylýy múmkin», - dep atap ótti ol.
«BUU úshin jalǵyz shart – bizdiń tek DDSU bekitken vaktsinany qoldana alatynymyz. Qazirgi kezde Resei biligi men DDSU arasynda bailanys ornatylyp jatqanyn bilemin jáne onyń reseilik vaktsinanyń barynsha tez moiyndalyp, sertifikattalatynyna úmittenemin», - dep qosyp ótti ol.
