Ýkraina prezidenti Vladimir Zelenskii BUU Bas assambleiasy delegattaryna arnaǵan videoúndeýinde soǵysty aiaqtaýdy kózdeitin "beibitshilik formýlasynyń" bes erejesin usyndy, dep habarlaidy Azattyq.
Onyń aitýynsha, birinshi ereje shekarany buzyp, myńdaǵan adam óltirgeni úshin jazalaýdy qarastyrady.
"Ýkrainaǵa qarsy qylmys jasaldy, biz ádil jaza talap etemiz… Ýkraina jerimizdi urlap alýdy talpynǵandardy jazalaýdy talap etedi. Myńdaǵan adamdy óltirgenderdi jazalaýdy talap etedi. Áielder men er azamattardy azaptap, olarǵa qorlyq kórsetkenderdi jazalaýdy talap etedi. Reseidiń zańsyz soǵysy saldarynan ýkrain halqy emes, búkil álem apatqa ushyrai jazdaǵany úshin jazalaýdy talap etedi", — dep málimdedi Ýkraina prezidenti.
Ekinshi ereje - árbir memlekettiń óz azamattaryn qorǵaý quqyǵy. Úshinshisi - qaýipsizdikti, sonyń ishinde azyq-túlik jáne iadrolyq qaýipsizdikti, sonymen birge aýmaq tutastyǵyn qalpyna keltirý. Tórtinshi - qaýipsizdik kepili. "Beibitshilik formýlasynyń" besinshi erejesi - qorǵanys pen kómek berý máselesinde naqty ustanymnyń bolýy.
Zelenskii Reseige qarsy sanktsiia engizýdi jalǵastyra berýdi, soǵys aiaqtalǵanǵa deiin ony halyqaralyq uiymdardan oqshaýlaýdy, buǵan qosa BUU Qaýipsizdik keńesinde veto quqyǵynan aiyrýdy qalaidy. Reseilikterge viza shekteýlerin engizýdi, sonymen birge Resei qylmystaryn qaraityn arnaiy tribýnal qurýdy, shyǵyndy óteý mehanizmin ázirleýdi suraidy. "Resei osy soǵys úshin aktivterimen tóleýge mindetti. Bul da - jazanyń bir túri", - dep málimdedi Ýkraina prezidenti.
Eýroodaq elderi Reseige qarsy jańa sanktsiialaryn tezirek engizýge umtylady. Eýroodaqtyń qaýipsizdik saiasaty jáne syrtqy ister jónindegi joǵarǵy ókili Jozep Borrel Niý-Iorkte EO elderiniń syrtqy ister ministrlerimen beiresmi kezdesýden soń osylai dep málimdedi.
Sonymen birge Borrel Eýroodaq Ýkrainaǵa qarý-jaraq berýdi toqtatpaitynyn aitty.
Ýkraina jeńiske jetkenshe áskeri kómek beretinin Ulybritaniia premer-ministri Liz Trass ta málimdedi.
Munyń aldynda AQSh prezidenti Djo Baiden Ýkrainany qoldaitynyn taǵy da rastap, Qurama Shtattar soǵystyń barlyǵy úshin ádil aiaqtalǵanyn qalaitynyn atap ótken.
