Taiaý Shyǵys elderinde 2011 jyldan beri oryn alǵan tókeristerdiń shyǵyny 614 milliard dollardy qurap otyr. Bul týraly "arab kóktemin" zertteýmen ainalysatyn BUU mamandary málimdedi.
614 mlrd dollar - bul 2011-2015 jyldar aralyǵyndaǵy Taiaý Shyǵys elderi JIÓ-niń 6 paiyzy delingen uiym ókilderi jasaǵan baiandamada. Keltirilgen shyǵyn esebin BUU-nyń Batys Aziiaǵa arnalǵan ekonomikalyq jáne áleýmettik komissiiasy eseptegen.
Shyǵyndy esepteý úshin sarapshylar arab elderiniń 2011 jyly jasaǵan ekonomikalyq ósý josparlaryn paidalanǵan. Bul Taiaý Shyǵystaǵy soǵystardyń shyǵynyn anyqtaýǵa negizdelgen alǵashqy jumys bolyp tabylady.
Sondai-aq, bosqyndardyń shekarany zańsyz kesýi, aqsha aýdarymdary kórsetkishiniń kúrt tómendeýi, týristik biznestegi quldyraý da mamandardyń shyǵyndy esepteýine kómegin tigizgen.
Esterińizge salaiyq, arab elderindegi jappai tolqýlar 2011 jyly bastalǵan bolatyn. Bilikti qulatýǵa baǵyttalǵan tókerister Egipet, Liviia, Siriia jáne Iemende qantógiske ulasyp ketti. Siriiadaǵy baskóterý azamattyq soǵysqa ulasty. Qazir bul soǵysqa Batys elderi men Resei de tartylǵan.
