«BUU sońǵy onjyldyqtaǵy eń iri qarjy daǵdarysyna ushyrady. BUU Bas hatshysy Antoniý Gýterrish aldaǵy aida uiym 44 myń qyzmetkerge jalaqysyn tólei almai qalýy múmkin ekenin aitty», dep jazady Shveitsariianyń Neue Zürcher Zeitung basylymy.
«BUU qarjylyq daǵdarysqa ushyrady. Qolma-qol aqshasyz biýdjet tiisti jolmen atqaryla almaidy», dedi Niý Iorktegi BUU biýdjetti komissiia aldynda sóz sóilegen Bas hatshy.
Avtordyń aitýynsha, osylaisha Gýterrish búgingi tańda uiymǵa múshe 193 memlekettiń tek 129-y múshelik jarnany tólegenin jetkizgen. Eń iri boryshker AQSh bolyp otyr. Vashington salatyn qarjy BUU biýdjetiniń 22%-yn quraidy.
«Búgingi biýdjet 3,3 mlrd dollar, al qaryz 674 mln dollar bolyp tur. Vashington byltyrǵy 381 mln dollar qaryzyn da tólemegen. BUU ótken aida aqshany únemdeý úshin arnaiy shara qabyldaýǵa májbúr bolǵan. Iaǵni, keibir joǵary laýazymdarǵa adam qabyldanbaǵan, mańyzdy kezdesýler men jinalystar ótkizilmegen nemese ýaqyty aýystyrylǵan», dep jazady avtor. Onyń aitýynsha, BUU ýaqytynda jarna tólemeitin qatysýshy memlekettermen kúresip júr.
«Qyrkúiektiń sońynda biylǵy jyldyń biýdjeti tek 70%-ǵa qarjylandyrylǵan. Bul byltyrǵy jyldan tómen. Jalpy alǵanda BUU 1,3 mlrd dollar qaryzyn óndire almai otyr», dep jazady basylym.
