«بۇۇ سوڭعى ونجىلدىقتاعى ەڭ ٸرٸ قارجى داعدارىسىنا ۇشىرادى. بۇۇ باس حاتشىسى انتونيۋ گۋتەرريش الداعى ايدا ۇيىم 44 مىڭ قىزمەتكەرگە جالاقىسىن تٶلەي الماي قالۋى مٷمكٸن ەكەنٸن ايتتى», دەپ جازادى شۆەيتسارييانىڭ Neue Zürcher Zeitung باسىلىمى.
«بۇۇ قارجىلىق داعدارىسقا ۇشىرادى. قولما-قول اقشاسىز بيۋدجەت تيٸستٸ جولمەن اتقارىلا المايدى», دەدٸ نيۋ يوركتەگٸ بۇۇ بيۋدجەتتٸ كوميسسييا الدىندا سٶز سٶيلەگەن باس حاتشى.
اۆتوردىڭ ايتۋىنشا, وسىلايشا گۋتەرريش بٷگٸنگٸ تاڭدا ۇيىمعا مٷشە 193 مەملەكەتتٸڭ تەك 129-ى مٷشەلٸك جارنانى تٶلەگەنٸن جەتكٸزگەن. ەڭ ٸرٸ بورىشكەر اقش بولىپ وتىر. ۆاشينگتون سالاتىن قارجى بۇۇ بيۋدجەتٸنٸڭ 22%-ىن قۇرايدى.
«بٷگٸنگٸ بيۋدجەت 3,3 ملرد دوللار, ال قارىز 674 ملن دوللار بولىپ تۇر. ۆاشينگتون بىلتىرعى 381 ملن دوللار قارىزىن دا تٶلەمەگەن. بۇۇ ٶتكەن ايدا اقشانى ٷنەمدەۋ ٷشٸن ارنايى شارا قابىلداۋعا مەجبٷر بولعان. ياعني, كەيبٸر جوعارى لاۋازىمدارعا ادام قابىلدانباعان, ماڭىزدى كەزدەسۋلەر مەن جينالىستار ٶتكٸزٸلمەگەن نەمەسە ۋاقىتى اۋىستىرىلعان», دەپ جازادى اۆتور. ونىڭ ايتۋىنشا, بۇۇ ۋاقىتىندا جارنا تٶلەمەيتٸن قاتىسۋشى مەملەكەتتەرمەن كٷرەسٸپ جٷر.
«قىركٷيەكتٸڭ سوڭىندا بيىلعى جىلدىڭ بيۋدجەتٸ تەك 70%-عا قارجىلاندىرىلعان. بۇل بىلتىرعى جىلدان تٶمەن. جالپى العاندا بۇۇ 1,3 ملرد دوللار قارىزىن ٶندٸرە الماي وتىر», دەپ جازادى باسىلىم.
