Kollaj: Ulysmedia.kz
Sybailas jemqorlyqqa qarsy qyzmet Bas prokýratýramen birlesip, paidaly qazbalar ken oryndaryn berýdiń zańdylyǵyn tekserý nátijeleri boiynsha Indýstriia jáne infraqurylymdyq damý ministrliginiń laýazymdy tulǵalaryna qatysty sotqa deiingi tergep-tekserýdi bastady, - dep habarlaidy "Ult aqparat" vedomstvonyń baspasóz qyzmetine silteme jasap.
Vedomstvo málimetinshe, ministrliktiń laýazymdy adamdary jekelegen kásipkerlik sýbektileriniń múddesine sai áreket etip, barlaý syltaýymen, aýktsion ótkizbesten paidaly qatty qazbalar qory belgilengen ken oryndaryn zańsyz bergen. Buryn júrgizilgen barlaý deregi qujattardy burmalaý arqyly ádeii jasyrylǵan.
Nátijesinde laýazymdy tulǵalarmen úlestes kásipkerler qol qoiý bonýsynyń eń tómengi quny úshin naryqqa qatysýshylardyń básekelestik, qoljetimdilik jáne teń quqyqtylyq qaǵidattaryn buzyp, óndirýge daiyn ken oryndaryn alǵan. Ken oryndaryn satý boiynsha aýktsiondar ótkizilmegendikten, memleket ondaǵan milliard teńge almaǵan.
Biyl 7 qarashada laýazymdyq ókiletin asyra paidalandy degen kúdik boiynsha burynǵy Indýstriia jáne infraqurylymdyq damý vitse-ministri Timýr Toqtabaev ustalǵan.
"Tergeý sot sanktsiiasymen Timýr Toqtabaevtyń jáne onyń jaqyn týystarynyń (elitalyq jeke úiler, jer ýchaskeleri, Cadillac Escalade markaly avtokólikteri, Mercedes-Benz Maybach S580 4 Matic, eki BMW X5 Xdrive40I, Bentley Bentayga V8) qymbat jyljymaly jáne jyljymaityn múlki anyqtaldy jáne buǵattaldy", - delingen vedomstvo habarlamasynda.
Tergeý jalǵasyp jatqany belgili boldy. Tergeý múddesi úshin ózge de aqparat jariia etilmeitini habarlandy.
