كوللاج: Ulysmedia.kz
سىبايلاس جەمقورلىققا قارسى قىزمەت باس پروكۋراتۋرامەن بٸرلەسٸپ, پايدالى قازبالار كەن ورىندارىن بەرۋدٸڭ زاڭدىلىعىن تەكسەرۋ نەتيجەلەرٸ بويىنشا يندۋسترييا جەنە ينفراقۇرىلىمدىق دامۋ مينيسترلٸگٸنٸڭ لاۋازىمدى تۇلعالارىنا قاتىستى سوتقا دەيٸنگٸ تەرگەپ-تەكسەرۋدٸ باستادى, - دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
ۆەدومستۆو مەلٸمەتٸنشە, مينيسترلٸكتٸڭ لاۋازىمدى ادامدارى جەكەلەگەن كەسٸپكەرلٸك سۋبەكتٸلەرٸنٸڭ مٷددەسٸنە ساي ەرەكەت ەتٸپ, بارلاۋ سىلتاۋىمەن, اۋكتسيون ٶتكٸزبەستەن پايدالى قاتتى قازبالار قورى بەلگٸلەنگەن كەن ورىندارىن زاڭسىز بەرگەن. بۇرىن جٷرگٸزٸلگەن بارلاۋ دەرەگٸ قۇجاتتاردى بۇرمالاۋ ارقىلى ەدەيٸ جاسىرىلعان.
نەتيجەسٸندە لاۋازىمدى تۇلعالارمەن ٷلەستەس كەسٸپكەرلەر قول قويۋ بونۋسىنىڭ ەڭ تٶمەنگٸ قۇنى ٷشٸن نارىققا قاتىسۋشىلاردىڭ بەسەكەلەستٸك, قولجەتٸمدٸلٸك جەنە تەڭ قۇقىقتىلىق قاعيداتتارىن بۇزىپ, ٶندٸرۋگە دايىن كەن ورىندارىن العان. كەن ورىندارىن ساتۋ بويىنشا اۋكتسيوندار ٶتكٸزٸلمەگەندٸكتەن, مەملەكەت ونداعان ميلليارد تەڭگە الماعان.
بيىل 7 قاراشادا لاۋازىمدىق ٶكٸلەتٸن اسىرا پايدالاندى دەگەن كٷدٸك بويىنشا بۇرىنعى يندۋسترييا جەنە ينفراقۇرىلىمدىق دامۋ ۆيتسە-مينيسترٸ تيمۋر توقتاباەۆ ۇستالعان.
"تەرگەۋ سوت سانكتسيياسىمەن تيمۋر توقتاباەۆتىڭ جەنە ونىڭ جاقىن تۋىستارىنىڭ (ەليتالىق جەكە ٷيلەر, جەر ۋچاسكەلەرٸ, Cadillac Escalade ماركالى اۆتوكٶلٸكتەرٸ, Mercedes-Benz Maybach S580 4 Matic, ەكٸ BMW X5 Xdrive40I, Bentley Bentayga V8) قىمبات جىلجىمالى جەنە جىلجىمايتىن مٷلكٸ انىقتالدى جەنە بۇعاتتالدى", - دەلٸنگەن ۆەدومستۆو حابارلاماسىندا.
تەرگەۋ جالعاسىپ جاتقانى بەلگٸلٸ بولدى. تەرگەۋ مٷددەسٸ ٷشٸن ٶزگە دە اقپارات جارييا ەتٸلمەيتٸنٸ حابارلاندى.
