Burynǵy aqparat jáne kommýnikatsiialar vitse-ministri Alan Ájibaev "Habar" Agenttigi" AQ basqarma tóraǵalyǵyna taǵaiyndaldy, - dep habarlaidy "Ult aqparat" agenttiktiń saityna silteme jasap.
Munyń aldynda bul orynda Almagúl Ahmetjanova eki jyl otyrǵan bolatyn.
Alan Ájibaev 1974 jyly 22 qańtarda Almaty qalasynda dúniege kelgen. 1996 jyly Abai atyndaǵy Almaty memlekettik ýniversitetin bitirgen. 1994 jylǵy tamyz aiynan 1995 jylǵy qyrkúiek aiyna deiin "Maks" teleradiokompaniiasynda radiojúrgizýshi bolyp jumys istegen. 1995 jylǵy qyrkúiekten 1997 jylǵy tamyz aiyna deiin "31 arna" teleradiokompaniiada tele-radiojúrgizýshi bolyp qyzmet etti. 1997 jylǵy qyrkúiek aiynan bastap 1998 jylǵy qyrkúiek aiyna deiin "Teleradiokompaniia "City" JShS baǵdarlamalyq direktory boldy. 1999 jylǵy aqpannan 1999 jylǵy qyrkúiek aiyna deiin "Karavan radiosynyń" direktory. Keiinirek jeke kásipkerlikpen ainalysqan.
2008 jylǵy aqpan aiynan bastap 2010 jylǵy qańtarǵa deiin "Tań" Teleradiokompaniiasy" JShS-ynda bas prodiýser bolyp eńbek etti. 2009 jylǵy jeltoqsan aiynan bastap 2012 jylǵy mamyr aiyna deiin - "Tengri FM" radiosynyń bas prodiýseri. 2012 jylǵy maýsym aiynan 2014 jylǵy qańtar aiyna deiin "SKYMAX MEDIA" JShS bas direktory. 2014 jyldyń aqpan aiynan 2016 jyldyń tamyz aiyna deiin "Aiqyn" jáne "Liter" qoǵamdyq-saiasi gazetteriniń direktory. Medianaryqtaǵy jumys ótili - 20 jyl, onyń ishinde basshylyq qyzmette 10 jyl eńbek etken.
Birneshe ret jýrnalistika jáne teleradiohabar taratý boiynsha túrli halyqaralyq seminarlar men kórmelerdiń qatysýshysy bolǵan, Lankshir Ýniversitetiniń (Ulybritaniia) "BAQ Menedjmenti" sertifikatynyń iegeri. 2016 jylǵy qańtar aiynan Qazaqstan Respýblikasy Syrtqy ister ministrligi janyndaǵy Qoǵamdyq Keńestiń múshesi bolǵan, Qazaqstan Respýblikasy Prezidenti alǵysynyń iegeri, "Nur Otan" partiiasynyń múshesi. BAQ-tyń barlyq baǵyttarynda etene eńbek etken, tele-radiokompaniialar jumysyndaǵy strategiialyq tujyrymdamalardyń ázirlenýine jáne iske asyrylýyna tikelei atsalysqan tájiribeli maman.
