Aidar Arifhanov "Báiterek" holdingi tóraǵasynyń orynbasary bolyp taǵaiyndaldy, - dep habarlaidy "Ult aqparat" "Báiterek" Ulttyq basqarýshy holdingi" AQ baspasóz qyzmetine silteme jasap.
"Báiterek" ulttyq basqarýshy holdingi" AQ Direktorlar keńesiniń sheshimimen Aidar Arifhanov "Báiterek" holdingi Basqarma tóraǵasynyń orynbasary-Basqarma múshesi bolyp sailandy", - delingen habarlamada.
Aidar Arifhanovtyń memlekettik basqarý jáne ekonomikalyq saiasat salasyndaǵy 20 jyldyq jumys ótili bar. Eńbek jolyn QR Qarjy ministrliginiń Syrtqy qaryz komiteti baǵdarlamalyq jáne áleýmettik qaryzdar bóliminiń bas mamany bolyp bastaǵan ol sońǵy jyldary QR Ulttyq ekonomika vitse-ministri laýazymyn atqardy.
Ár jyldary QR qarjy vitse-ministri, QR premer-ministri keńsesi basshysynyń orynbasary, QR eńbek jáne áleýmettik qorǵaý vitse-ministri, QR premer-ministriniń keńesshisi, QR Aqparattandyrý jáne bailanys agenttigi tóraǵasynyń orynbasary, "Qazaqtelekom" AQ basqarýshy direktory, "Qazatomprom" UAK" AQ Basqarma tóraǵasynyń ekonomika jáne qarjy jónindegi orynbasary qyzmetterin atqarǵan. 2015 jylǵy qarashadan bastap QR Ulttyq ekonomika vitse-ministri laýazymynda boldy.
Aidar Arifhanov Qazaq memlekettik basqarý akademiiasyn, QR SIM Diplomatiialyq akademiiasyn aiaqtaǵan, 2008 jyly "Bolashaq" prezidenttik baǵdarlamasy sheńberinde Kolýmbiia ýniversitetin támamdap, memlekettik ákimshilendirý magistri dárejesin (MRA) jáne 2006 jyly London biznes mektebinde iskerlik ákimshilendirý magistri dárejesin (MVA) alǵan.
Tolyǵyraq: https://kaz.tengrinews.kz/kazakhstan_news/buryingyi-ulttyik-ekonomika-vitse-ministr-bayterek-holdingne-276750/
Materialdy kóshirip basqanda Kaz.tengrinews.kz saityna gipersilteme mindetti túrde qoiylýy tiis. Avtorlyq quqyqty saqtańyz.
