Foto: pixabay.com
Vitse-premer-ministr Tamara Dúisenova depýtattardyń burynǵy ýaqyt beldeýin qaitarý talabyna túsinikteme berdi, - dep habarlaidy ULT.KZ.
Úkimette ótken baspasóz konferentsiiasynda ol ýaqyt beldeýin aýystyrý máselesi "keiingi 10 jyl boiy" talqylanyp kelgenin atap ótti. Onyń aitýynsha, bul másele boiynsha mamandar men sarapshylar toby jumys istegen.
"Endi depýtattar bul máseleni kóterip otyr: olar óz usynystaryn beredi... Biz, bálkim, ony qaraityn bolamyz. Biraq jalpy alǵanda, biz bul beldeýge ótkenimizge bir jyl da tolǵan joq. Máseleni qaraýymyz kerek, qazirgi ýaqytta aýysýdyń qandai saldary bar ekenin eskerýimiz qajet. Ázirge densaýlyq saqtaý júiesi men energiia tutyný salalarynda eshqandai kúrt ózgeristerdi baiqamadyq", - dedi Tamara Dúisenova.
Ol sondai-aq úkimet depýtattardyń dálelderin qaraǵannan keiin tiisti memlekettik organ óz jaýabyn beretinin qosty.
Eske sala keteiik, 6 qyrkúiekte AMANAT partiiasynyń depýtattary burynǵy ýaqyt beldeýin qaitarýdy talap etti. Májilismender turǵyndardan kóptegen shaǵym túsip jatqanyn atap ótti.
