فوتو: pixabay.com
ۆيتسە-پرەمەر-مينيستر تامارا دٷيسەنوۆا دەپۋتاتتاردىڭ بۇرىنعى ۋاقىت بەلدەۋٸن قايتارۋ تالابىنا تٷسٸنٸكتەمە بەردٸ, - دەپ حابارلايدى ULT.KZ.
ٷكٸمەتتە ٶتكەن باسپاسٶز كونفەرەنتسيياسىندا ول ۋاقىت بەلدەۋٸن اۋىستىرۋ مەسەلەسٸ "كەيٸنگٸ 10 جىل بويى" تالقىلانىپ كەلگەنٸن اتاپ ٶتتٸ. ونىڭ ايتۋىنشا, بۇل مەسەلە بويىنشا ماماندار مەن ساراپشىلار توبى جۇمىس ٸستەگەن.
"ەندٸ دەپۋتاتتار بۇل مەسەلەنٸ كٶتەرٸپ وتىر: ولار ٶز ۇسىنىستارىن بەرەدٸ... بٸز, بەلكٸم, ونى قارايتىن بولامىز. بٸراق جالپى العاندا, بٸز بۇل بەلدەۋگە ٶتكەنٸمٸزگە بٸر جىل دا تولعان جوق. مەسەلەنٸ قاراۋىمىز كەرەك, قازٸرگٸ ۋاقىتتا اۋىسۋدىڭ قانداي سالدارى بار ەكەنٸن ەسكەرۋٸمٸز قاجەت. ەزٸرگە دەنساۋلىق ساقتاۋ جٷيەسٸ مەن ەنەرگييا تۇتىنۋ سالالارىندا ەشقانداي كٷرت ٶزگەرٸستەردٸ بايقامادىق", - دەدٸ تامارا دٷيسەنوۆا.
ول سونداي-اق ٷكٸمەت دەپۋتاتتاردىڭ دەلەلدەرٸن قاراعاننان كەيٸن تيٸستٸ مەملەكەتتٸك ورگان ٶز جاۋابىن بەرەتٸنٸن قوستى.
ەسكە سالا كەتەيٸك, 6 قىركٷيەكتە AMANAT پارتيياسىنىڭ دەپۋتاتتارى بۇرىنعى ۋاقىت بەلدەۋٸن قايتارۋدى تالاپ ەتتٸ. مەجٸلٸسمەندەر تۇرعىنداردان كٶپتەگەن شاعىم تٷسٸپ جاتقانىن اتاپ ٶتتٸ.
