Foto: Polisia.kz
Qarapaiym tanystyqtan bastalǵan qarym-qatynas aqyry qylmystyq iske ulasty, dep habarlaidy Ult.kz.
Málimetterge sáikes, eki aiǵa jýyq sóilesip júrgen jigit qyzdyń ata-anasymen de tanysqan. Keiin boijetken onyń buryn nekede bolǵanyn bilip, qarym-qatynasty toqtatý týraly sheshim qabyldaǵan. Alaida er adam bul sheshimmen kelispei, úsh aidan astam ýaqyt boiy qyzǵa qaita-qaita qońyraý shalyp, habarlamalar jazyp, sońynan qalmai qýdalaǵan.
Sondai-aq ol jábirlenýshiniń ózine jáne otbasyna ziian keltirýi múmkin ekenin aityp, qorqytqan. Qysym men qorqytýdan sharshaǵan qyz politsiiaǵa júginip, kómek suraǵan.
Politsiia qyzmetkerleri jedel is-sharalar júrgizip, kúdiktini anyqtap, ustady. Qazirgi ýaqytta ol qamaýǵa alynyp, sotqa deiingi tergeý amaldary júrgizilip jatyr.
Quqyq qorǵaý organdary mazalaý, qýdalaý jáne qorqytý áreketteri jai ǵana turmystyq janjal emes, zań buzýshylyq ekenin eskertedi. Mundai faktilerge qatysty zań aiasynda qatań sharalar qabyldanady.
