Qaraǵandyda adam óltirdi degen kúdikti ustaldy. Ol burynǵy súiiktisine 20 jerden pyshaq salyp, oqiǵa ornynan jasyrynyp, jarym ai boiy izdeýde bolǵan, dep habarlaidy "Ult aqparat".
Keshe tártip saqshylary kúdiktini ustady.
«23 qarashada jedel-izdestirý is-sharalary barysynda kriminaldyq politsiia qyzmetkerlerimen ustalyp, ýaqytsha oqshaýlaý ortalyǵyna qamaýǵa alyndy», - dedi Qaraǵandy oblysy Politsiia departamentiniń baspasóz qyzmeti.
Eske sala keteiik, 10 qazan kúni saǵat 22.50 shamasynda Qaraǵandynyń meditsinalyq mekemeleriniń birine pyshaq jaraqatyn alǵan 28 jastaǵy áiel jetkizildi. Qaraǵandy qalasy PB Kirov politsiia bóliminde kisi óltirýge oqtalý deregi boiynsha qylmystyq is qozǵalǵan bolatyn. Tergeý barysynda politsiia 23 jastaǵy er adamdy kúdikti retinde anyqtap, izdeý jariialanǵan bolatyn.
Jaraqattanǵan qyz 10 kúnnen keiin aýrýhanadan shyǵaryldy.
