قاراعاندىدا ادام ٶلتٸردٸ دەگەن كٷدٸكتٸ ۇستالدى. ول بۇرىنعى سٷيٸكتٸسٸنە 20 جەردەن پىشاق سالىپ, وقيعا ورنىنان جاسىرىنىپ, جارىم اي بويى ٸزدەۋدە بولعان, دەپ حابارلايدى "ۇلت اقپارات".
كەشە تەرتٸپ ساقشىلارى كٷدٸكتٸنٸ ۇستادى.
«23 قاراشادا جەدەل-ٸزدەستٸرۋ ٸس-شارالارى بارىسىندا كريمينالدىق پوليتسييا قىزمەتكەرلەرٸمەن ۇستالىپ, ۋاقىتشا وقشاۋلاۋ ورتالىعىنا قاماۋعا الىندى», - دەدٸ قاراعاندى وبلىسى پوليتسييا دەپارتامەنتٸنٸڭ باسپاسٶز قىزمەتٸ.
ەسكە سالا كەتەيٸك, 10 قازان كٷنٸ ساعات 22.50 شاماسىندا قاراعاندىنىڭ مەديتسينالىق مەكەمەلەرٸنٸڭ بٸرٸنە پىشاق جاراقاتىن العان 28 جاستاعى ەيەل جەتكٸزٸلدٸ. قاراعاندى قالاسى پب كيروۆ پوليتسييا بٶلٸمٸندە كٸسٸ ٶلتٸرۋگە وقتالۋ دەرەگٸ بويىنشا قىلمىستىق ٸس قوزعالعان بولاتىن. تەرگەۋ بارىسىندا پوليتسييا 23 جاستاعى ەر ادامدى كٷدٸكتٸ رەتٸندە انىقتاپ, ٸزدەۋ جارييالانعان بولاتىن.
جاراقاتتانعان قىز 10 كٷننەن كەيٸن اۋرۋحانادان شىعارىلدى.
