Búgin Qazaqstan halyq partiiasynyń kezekten tys XVI sezi ótti, dep habarlaidy Baq.kz saity.
Jiynda partiianyń Parlament Májilisi jáne máslihattar depýtattarynyń sailaýyna qatysýy, sailaýaldy baǵdarlamany bekitý, sailaýaldy shtabty qurý, depýtattyqqa kandidattardyń partiialyq tizimi máseleleri qaraldy.
Partiia tóraǵasy Aiqyn Qońyrov partiianyń ataýy ózgerse de, sotsialistik baǵyt ustanyp, qarapaiym halyqtyń múddesin qorǵaitynyn atap ótti.
Partiia Parlament Májilisi jáne máslihattar depýtattaryn sailaýǵa qatysýy týraly usynys engizip otyr. Bizdiń maqsat Parlamentke ótý ǵana emes, sol jerden halyqtyń áleýmettik máselelerin kóterý. Biz ýaqyt talabymen alǵa qarai ilgerileýge niettimiz jáne osyny durys qadam dep esepteimiz. Osy oraida el halqy bizdiń bastamalardy qoldaitynyna senimdimiz, - dedi ol.
Óz kezeginde ol partiia jer, laiyqty jalaqy, tegin bilim, zeinet jasyn tómendetý syndy áleýmettik máseleler únemi partiia nazarynda bolǵany, aldaǵy ýaqytta da halyq múddesin qorǵaýdy jalǵastyratynyn aitty.
Parlamenttegi fraktsiia úlken bolmasa da, osy kúnge deiin atqarǵan jumysy aitarlyqtai. Ótken bes jylda fraktsiianyń 92 otyrysy ótkizildi, 300-ge jýyq depýtattyq saýal joldandy. Eldi mekenderge 664 jumys sapary jasalyp, halyqpen 1450 kezdesý boldy. Úsh myńnan astam jeke ári zańdy tulǵalardyń ótinimi qaraldy, - dedi ol.
