Óskemen qalasynyń turǵyny burynǵy áieline baryp mazasyn alǵany úshin 300 saǵat qoǵamdyq jumysqa tartyldy, dep habarlaidy "Ult aqparat" ShQO boiynsha qylmystyq-atqarý júiesi departamentiniń baspasóz qyzmetine silteme jasap.
Ol birneshe ret burynǵy áieliniń mazasyn alǵan. Bul joly mas kúiinde túnde onyń úiine baryp, sóilespekshi bolǵan, alaida áiel syrtqa shyqpaǵan. Ashý býǵan er adam terezeni syndyryp, úiine kirgen. Zańsyz áreketi úshin ol 300 saǵattyq qoǵamdyq jumysqa jegildi.
«Probatsiia qyzmetiniń esebinde turǵan azamat qoǵamdyq oryndarda qar kúrep, qoqys jinaýǵa jiberildi. Kúnine tórt saǵat jumys atqaryp jatyr. Sottalǵannyń atqarǵan jumysy men minez-qulqy turaqty baqylaýda», - dedi ShQO boiynsha QAJD Soljaǵalaý aýdandyq probatsiia qyzmetiniń qyzmetkeri, ádilet maiory Serik Bekboldanov.
Eger qoǵamdyq jumysty oryndaýdan bas tartqan jaǵdaida qamaýǵa alynady.
