ٶسكەمەن قالاسىنىڭ تۇرعىنى بۇرىنعى ەيەلٸنە بارىپ مازاسىن العانى ٷشٸن 300 ساعات قوعامدىق جۇمىسقا تارتىلدى, دەپ حابارلايدى "ۇلت اقپارات" شقو بويىنشا قىلمىستىق-اتقارۋ جٷيەسٸ دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
ول بٸرنەشە رەت بۇرىنعى ەيەلٸنٸڭ مازاسىن العان. بۇل جولى ماس كٷيٸندە تٷندە ونىڭ ٷيٸنە بارىپ, سٶيلەسپەكشٸ بولعان, الايدا ەيەل سىرتقا شىقپاعان. اشۋ بۋعان ەر ادام تەرەزەنٸ سىندىرىپ, ٷيٸنە كٸرگەن. زاڭسىز ەرەكەتٸ ٷشٸن ول 300 ساعاتتىق قوعامدىق جۇمىسقا جەگٸلدٸ.
«پروباتسييا قىزمەتٸنٸڭ ەسەبٸندە تۇرعان ازامات قوعامدىق ورىنداردا قار كٷرەپ, قوقىس جيناۋعا جٸبەرٸلدٸ. كٷنٸنە تٶرت ساعات جۇمىس اتقارىپ جاتىر. سوتتالعاننىڭ اتقارعان جۇمىسى مەن مٸنەز-قۇلقى تۇراقتى باقىلاۋدا», - دەدٸ شقو بويىنشا قاجد سولجاعالاۋ اۋداندىق پروباتسييا قىزمەتٸنٸڭ قىزمەتكەرٸ, ەدٸلەت مايورى سەرٸك بەكبولدانوۆ.
ەگەر قوعامدىق جۇمىستى ورىنداۋدان باس تارتقان جاعدايدا قاماۋعا الىنادى.
