8 tamyzda Asia Society Aziia jáne álemniń damýyna úles qosqandarǵa tabystalatyn Asia Game Changer Awards 2017 syilyǵy iegerleriniń atyn atady, dep habarlaidy asiarussia.ru.
Asia Society tórt jyl burynǵy Changer Awards Aziia oiyndaryndaǵy dástúrdi jalǵastyra otyryp, kórnekti adamdarmen, uiymdarmen yntymaqtasyp jumys istegenin maqtan tutady. Biyl nagrada Aýǵanstandaǵy óz ánderinde erte nekege qarsy narazylyq bildiretin jáne áielderdiń quqyqtary úshin kúresip júrgen jas reper Sonita-ǵa berildi.
Sondai-aq, syilyq Qytaidyń kei eń kúrdeli áleýmettik, ekonomikalyq jáne ekologiialyq problemalaryn sheshetin álemdegi iri mobildik bailanys kompaniiasynyń bas direktoryna; álemmen Úndistandy biriktiretin gollivýd juldyzyna, óz eliniń ormandaryn qorǵaý úshin óz ómirin arnaǵan ekologqa berildi.
Nagradaǵa usynylǵandardyń ishinde búrkitshi boijetken retinde kúlli álemge tanymal mońǵoliialyq Aisholpan da bar. Laýreattardy Asia Society jahandyq jelisiniń músheleri taǵaiyndap, sailaidy.
Aisholpan Nurǵaiypqyzy jas shaǵynda genderlik tosqaýyldy eńsergeni úshin bedeldi nagradaǵa ie boldy, dep jazdy asiasociety.org.
Aisholpannyń aitýynsha, ol óziniń tarihy barsha álemdegi boijetkender men áielderdi jigerlendirgeni úshin baqytty. Mońǵoliiada qazir qyzdardyń kópshiligi búrkitshi bolǵysy keledi. Aisholpan jas qyzdar qaida turmasyn, kúdikke, synǵa, qalyptasqan genderlik normalarǵa qarsy tura alady degen úmitte. Olar óz áreketterin jalǵastyryp, batyl bolýlary tiis, - dedi ol.
«Bala kezimnen búrkitpen ań aýlaýǵa qyzyǵyp óstimBul jaǵynan ózim men er bala arasynda eshqandai aiyrmashylyq kórmeimin», - dedi ol.
