Qytaidan kelgen bloger-jýrnalister Býrabai kýrorttyq aimaǵyna saiahat jasady. Bul týraly Aqmola oblystyq ishki saiasat basqarmasy habarlady.
Aqmola oblysynyń týristik aqparat ortalyǵy Chinese Friendly Kazakhstan kompaniiasymen jáne «Býrabai Damý» JShS-men birlese bloger-jýrnalisterge arnalǵan blog-týr uiymdastyrdy.
Chinese Friendly Kazakhstan kompaniiasy qyzmetiniń negizgi mindetteri - Qazaqstannyń týristik nysandaryn QHR naryǵynda ilgeriletý, tanystyrý, nasihattaý, syrtqy týrizmdi damytý. Osyǵan sai jýyrda Astana men Almaty qaalarynyń aýmaǵynda travel bloger-jýrnalisterdiń qatysýymen blog-týr uiymdastyryldy. Bul týrǵa Qytaidan tanymal 4 bloger-jýrnalist qatysty. Olardyń oqyrmandar aýditoriiasy shamamen 70 million adamdy quraidy.
Blogerlerge Býrabaidyń ásem tabiǵaty kórsetildi. Olar, sondai-aq, qazaq halqynyń mádenieti, salt-dástúrimen tanysty. Týrdyń alǵashqy kúni olar «Qazaqstandaǵy Laplandiia» ataýly parkin tamashalap, Jumbaqtasqa sapar shekti.
Ekinshi kúngi josparǵa jańa respýblikallyq shańǵy bazasyna jáne Abylai han alańyna barý engen. Jol boiynda blogerler fotoǵa túsip, ásem tabiǵattan alǵan áserlerin oqyrmandarymen bólisýge múmkindik aldy. Keiin barlyq sýretter, maqalalar olardyń áleýmettik jelidegi barlyq akkaýnttarynda jariialanbaq.
